“Эрдэнэс алт ресурс” ХХК нь олон улсын ISO стандартад нийцсэн эрэл хайгуул, бүтээгдэхүүн үйлдвэрлэл явуулахыг эрхэмлэхийн зэрэгцээ тухайн стандартыг мөрдлөг болгох, ажилтнуудад шаардлагатай мэдээлэл, мэдлэгийг өгөх, чадавхжуулах зүй ёсны шаардлагыг баримтлан ажиллаж байна. Энэ утгаараа Монголын цахим институт мэргэшсэн сургагч багш нартай хамтран ISO 45001, ISO 14001 сургалтыг зохион байгууллаа.

Уул уурхайн салбарт үйл ажиллагаа явуулдаг компанийн хувьд олон улсын ISO стандартуудыг хэрэгжүүлж ажилласнаар бүтээмж, засаглал, бүтээгдэхүүний чанар зэрэг олон талаар олон улсад хүлээн зөвшөөрөгдөхийн зэрэгцээ байгаль орчин, хөдөлмөрийн аюулгүй байдлын стандартуудыг хэвшүүлэх, хариуцлагатай уул уурхайг төлөвшүүлэх ач холбогдолтой. Түүнчлэн компанийн өрсөлдөх чадварыг дээшлүүлэх, үйл ажиллагаагаа тасралтгүй сайжруулахад олон улсын стандартууд, менежментийн тогтолцоог хэрэгжүүлэх нь чухал нөлөөтэй. Тиймээс ISO 45001 буюу Хөдөлмөрийн эрүүл мэнд, аюулгүй байдлын удирдлагын тогтолцоо, ISO 14001 буюу Байгаль орчны менежментийн тогтолцоо, хэрэгжүүлэх арга хэрэгслүүдийг нэгдсэн удирдлага, орчин үеийн чиг хандлагаар хөгжүүлж ажиллахыг “Эрдэнэс алт ресурс” ХХК гол бодлогоо болгож байгаа юм.