“Эрүүл Монгол хүн” үндэсний хөдөлгөөний хүрээнд Хөвсгөл аймгийн Биеийн тамир, спортын газраас “Өглөөний дасгалд цаг гаргая” аяныг эхлүүлжээ

Сүүлийн үед иргэдийн дунд хөдөлгөөний дутагдлын улмаас илүүдэл жин нэмэгдэж буй учраас хүн амд эрүүл мэндийн боловсрол олгох, эрүүл идэвхтэй амьдралын хэв маягийг тогтмол бий болгох зорилтын хүрээнд тус аяныг эхлүүлж байна.

Аяны хүрээнд аймгийн төв спортын талбайд өглөө бүр 7-8 цагийн хооронд иргэд олон нийтэд зориулсан дасгал хөдөлгөөн, алхалт, гүйлт, шугаман бүжиг зэргийг зааж хамтдаа хийх юм байна.

Иймээс иргэдийг идэвхтэй оролцож, эрүүл амьдралын хэв маягийг хэвшүүлэн, хамт олны эрч хүчийг нэмэгдүүлэх энэхүү аянд нэгдэхийг уриалав. Тус аян энэ оны 7 дугаар сарын 1-ний өдрийг хүртэлх хугацаанд үргэлжилнэ.