Сүүлийн үед Засгийн газрын хуралдаанаар оновчтой, тодорхой шийдвэрүүд гарч, улмаар ард олон ч Засгийн газрын хуралдаанаас гарах шийдвэрүүдийг хүлээдэг болжээ. Тодотгож хэлэхэд Н.Учралыг Ерөнхий сайд болсноос хойш ийм хүлээлт бий болж байгаа нь сайн хэрэг.

Багш, ажилчдын үндсэн цалинг 50 хувиар нэмэгдүүлж, нэмэгдэл, нэмэгдэл хөлсийг үндсэн цалингаас тооцож олгох, Иргэн, аж ахуйн нэгжийн татварын ачааллыг зохистой хэмжээнд бууруулах зорилгоор нийт 2.2 их наяд төгрөгийн татварын дэмжлэг үзүүлэхээр тус хуулийн төсөлд тусгах, Иргэн, өрхийн орлогыг хамгаалах, хөдөлмөр эрхлэлтийг дэмжих, орон сууцжуулалтыг нэмэгдүүлэхэд чиглэсэн татварын бодлого хэрэгжүүлж эдийн засгийн өсөлтийг иргэн, өрх бүрд хүртээх,

Иргэдийн татварын ачааллыг бууруулах зорилгоор хөдөлмөр эрхэлж буй иргэдийн сарын 792 мянган төгрөг хүртэлх орлогод ногдуулах албан татварыг 100 хувь буцаан олгох, Татварын шударга байх зарчмыг хангах зорилгоор үйл ажиллагааны орлогыг хялбаршуулсан горимоор тайлагнах босго дүнг нэг тэрбум  төгрөгөөр тогтоож борлуулалтын орлогын нэг хувиар татвар төлөх боломж олгох, Иргэдийн амьдран сууж буй орчноо сайжруулахыг дэмжих зорилгоор татвар төлөгч өмчилсөн орон сууцаа худалдан борлуулсан тохиолдолд үл хөдлөх борлуулсны албан татвараас чөлөөлөх, Татвар төлөгчийн татвар төлөх, тайлагнах үйл ажиллагааг хялбаршуулах зорилгоор тайлан тушаах, албан татварыг төсөвт төлөх хугацааг хойшлуулах зэрэг өрх айлын үүдээр бодитой орсон шийдвэрүүд гаргаж байгаа нь олны талархалыг хүлээж байна.

Хамгийн наад зах нь гэхэд 146 төрлийн бизнесийн үйл ажиллагааг зөвшөөрөл нэртэй бичиг цаасны ажлаас бүрэн чөлөөлж байна. Дансаа хаалгаад байсан аж ахуйн нэгжүүдийн дансыг нээж гэх зэргээр иргэд аж ахуйн нэгжээ дэмжсэн бодит шийдвэрүүд гарч байна.

Tumen.mn