Антропологийн ухааны профессор, Массачусетсийн Технологийн хүрээлэнгийн судлаач Буяндэлгэрийн Мандухай АНУ-ын антропологийн холбооны ерөнхийлөгч асан, эрдэмтэн Фрэнсис Л.К.Сүгийн нэрэмжит шагналын эзэн болжээ.

Англи хэл дээр хэвлүүлсэн, хүн судлалын салбарт чухал хувь нэмэр оруулсан шилдэг бүтээлд Зүүн Азийн Антропологийн нийгэмлэгээс Фрэнсис Л.К.Сүгийн нэрэмжит шагнал олгодог байна.
Б.Мандухай нь “Tragic Spirits: Shamanism, memory, and gender in contemporary Mongolia” нэртэй, коммунизмаас либерал капитализм руу шилжих явцад бөө шүтлэг хэрхэн эргэн сэргэж буй тухай судалсан номоороо шалгарсан байна.

Дашрамд дурдахад, Массачусетсийн технологийн хүрээлэнгийн дэргэдэх Хүмүүнлэг соёл урлаг, нийгмийн шинжлэх ухааны их сургуулиас түүнд өнгөрсөн жил Левитаны нэрэмжит хүмүүнлэгийн шагнал, 25 мянган ам. долларын судалгааны тэтгэлэг олгожээ.

Эх сурвалж: Dorgio.mn