Нью-Йорк хотод амьдран суудаг Харольд Даймонд цагтаа дунд сургуулийн захирал байсан нэгэн. Саяхан тэрбээр сугалаагаар 326 сая доллар хожжээ.

80 настай энэ тэтгэврийн хөгшин аз дагуулсан тасалбарыг шатахуун түгээх станц дээрээс худалдаж авсан байна. Даймонд эхнэртэйгээ хамт цаг агаар тааламжгүй байсан тул шатахуун түгээх станцын цайны газар хоол идэхээр оржээ. Өвгөн сэндвич авангаа Mega Millions сугалааны тасалбарыг 10 доллараар худалдаж авсан гэнэ. Удалгүй тэрбээр найзтайгаа хамт гольф тоглож байгаад ялагч болсон гэдгээ дуулсан аж. Гольфын клубын нэгэн ажилтан шатахуун түгээх станц дээрээс худалдаж авсан нэгэн тасалбар уг сугалааны гол шагналыг хүртсэн байна гэж Даймондод хэлжээ.

Байдал нэг л биш болсныг мэдрээд тэтгэврийн хөгшин өөрийн сугалааны тасалбарын тоог үзтэл хожил түүнийх болсон байв. Тэрбээр хожлын мөнгөө бөөнд нь авахыг илүүд үзжээ. Элдэв татвар, суутгалаа хасуулаад Даймонд гар дээрээ 130 сая доллар авсан гэнэ.

Эх сурвалэ: Zaluu.com