Энэ мэдээ хуучирсан буюу 2015/02/01-нд нийтлэгдсэн мэдээ болно.

Төрийн албан хаагчид гэх улс төрийн “бай”



Улстөрчид үеийн үед төрийн албан хаагчдынорон тоо,цалин, тэтгэмжийн асуудлаар шоуддаг. Энэ байдал өнөөг хүртэл үргэлжилсээр. Нэг нам төрийн эрх барьж, харин тухайн намын гэх хүмүүс төрийн албанд дүүрдэг. Бичигдээгүй ч гэлээ хууль дүрэм шиг болтлоо мөрдөгдсөөр ирсэн энэ зарчмыг халах ёстой. Гэвч халах сонирхол улстөрчдөд, эрх баригчдад байхгүй нь хийж буй үйлдэл, хэлж байгаа үгнээс нь харагдаж байна.

Шинэчлэлийн Засгийн газрын тэргүүнээр хоёр жилийн хугацаанд ажилласан Н.Алтанхуяг УИХ-ын дарга З.Энхболд, Ерөнхий сайд Ч.Сайханбилэг нарт шаардлага хүргүүлжээ. Түүнийтавьсан шаардлага нь төрийн албан хаагчидтай холбоотой. Тэрбээр шаардлагадаа “2008-2012 онд Монгол Ардын нам Ардчилсан намтай хамтарсан Засгийн газар байгуулан ажилласан. Энэ хугацаанд зөвхөн сайд, дэд сайд нар буюу төрийн албан тушаалын хүрээнд өөрчлөлт хийгдсэн юм. Гэтэл шинээр байгуулагдсан хамтарсан Засгийн газар төрийн албан хаагчдыг олноор нь халж, цомхотгож эхэллээ. Цомхотгол гэдэг нь төрийн албан хаагчдыг ажлаас нь халах шалтаг болж байна. Төрийн албан хаагчид нь намуудын тохиролцоо наймаанд өртөх учиргүй. Хэмнэлт нэрээр цомхотголд орсон төрийн албан хаагчдын ихэнх нь цалингийн болон орон сууцны найман хувийн зээлтэй гэдгийг анхаарах хэрэгтэй. Иймд хамтрах нэрээр төрийн албан хаагчдыг халж буйг зогсоож, цаашид халаа сэлгээ хийлгэхгүй байх асуудал анхаарыг шаардаж байна” гэжээ.

Цомхотгол нэрийн дор төрийн албан хаагчдыг халсан нь Н.Алтанхуягийн засгийн үед ч байсан л үйл явц. Ардчилсан намынхан төрийн эрх барих тэр үед Ардын намын гэх төрийн албан хаагчдыг халж, сольж, оронд нь өөрийн намынхныгаа ажилтай болгож байсан.Тухайн үед хууль бусаар ажлаасаа чөлөөлөгдсөн олон хүн шүүхэд хандаж байсан нь дээрх үйл явдлыг бататгаж байгаа юм. Тэр үед Ерөнхий сайдаар ажиллаж байсан Н.Алтанхуяг “цалингийн болон орон сууцны найман хувийн зээлтэй” гэж халагдсан хүмүүсийн тухай бодсон болов уу.

Шинэчлэлийн Засгийн газар байгуулагдсны дараагаар төрийн албан хаагчдын тоог нэмэгдүүлсэн асуудлыг сөрөг хүчний зүгээс тавьсан. Төрийналбан хаагчдын тоог нэмэгдүүлснээр урсгал зардал өссөн талаар бишгүй шүүмжлэл тавьж байв. Харин Ерөнхий сайд асан Н.Алтанхуяг “Төрийн албан хаагчдын тоог нэгээр нэмэгдүүлбэл сайдын албаа өгнө” гэж ч мэдэгдэж байлаа.

Тухайн үед сөрөг хүчин болох Ардын намынхны хэлснээр Сангийн яамны гаргасан тооцоогоор 2011 оны төсвийн гүйцэтгэлээр 148.781 төрийн албан хаагч ажиллаж байсан бол 2012 онд 162.383, 2013 онд 176.773, 2014 онд 180.151 төрийн албан хаагчтай болжээ.Эдгээр тооноос харахад 2012-2014 онд Засгийн газар 30 орчим мянган төрийн албан хаагчаар орон тоогоо нэмэгдүүлжээ.

Ийнхүү төрийн албаны бүтэц данхайсан шалтгаан нь яамдын тоог нэмэгдүүлсэнтэй холбоотой байсан. Өмнөх Засгийн газар 11 яаманд 978 төрийн албан хаагчтайгаар ажилласан бол Шинэчлэлийн Засгийн газарт 16 яаманд 1558 төрийн албан хаагч ажиллалаа. Яамдын албан хаагчдын тоо гэхэд 80 хувиар нэмэгдсэн байгаа юм. Тухайлбал, Байгаль орчин, ногоон хөгжлийн яам өмнө нь 78 албан хаагчтай байсан бол 133, Эрүүл мэндийн яам 66 албан хаагчтай байсан бол 132 болж нэмэгдсэн байх жишээтэй.

Харин Ч.Сайханбилэгийн Засгийн газар дээрх нэмэгдсэн төрийн албан хаагчдыг цомхотгож, чиг үүрэг нь давхардсан агентлагуудыг нэгтгэж, шаардлагагүй газрыг нь татан буулгаж эхэллээ. Төрийналба данхайсан бүтэцтэй байгаад ашиггүй. Учир нь цомхотгох шаардлагатай төрийн албан хаагчдын цалин, тэднийг ажиллуулах урсгал зардалд татвар төлөгчдийн мөнгө зарцуулагдах ёсгүй.

Төрийн албан хаагчдын тоог анхнаас нь хэмжээнд барьж, нэмэгдүүлээгүй бол өнөөдөр тэднийг цомхотгох асуудал дээр толгой гашилгаж, санаа зовохгүй байсан.Мөн өмнөх Ерөнхий сайд нь шаардлага тавьж, төрийн албан хаагчдыг зээлтэй гэдгийг санах хэрэгтэй гэж хэлэхгүй байсан биз ээ. Үеийн үед төрийн албан хаагчдаар улстөржиж, тэднийг олноор нь ажилд авч, мөн олноор нь цомхотгож, тэднээр улстөрчид “тоглож” байна. Төрийналбан хаагчид гэх улс төрийн “бай”-г хэзээ зогсоох вэ.

Эх сурвалж: Zaluu.com

Газрын тосны үнэ өсчээ
Газрын тосны үнэ өсчээ
 
“Төв цэнгэлдэх хүрээлэн”-г нийслэлийн өмчид 100 хувь шилжүүлэн авлаа
“Төв цэнгэлдэх хүрээлэн”-г нийслэлийн өмчид 100 хувь шилжүүлэн авлаа
Энэ мэдээ хуучирсан буюу 2015/02/01-нд нийтлэгдсэн мэдээ болно.