Украины зүүн өмнө зүгт байдал хурцдаж байгаатай холбоотойгоор тус улсад орчин үеийн зэвсгийн нийлүүлэлт маш хэрэгтэй байна хэмээн ерөнхийлөгч Петр Порошенко мэдэгджээ.

Украины удирдагч “зүүн зүгт өрнөж буй сүүлийн үеийн үйл явдлууд Хойд атлантын эвслийн зүгээс Украинд илүү их дэмжлэг үзүүлэн, ялангуяа түрэмгийлэгчээс хамгаалахын тулд орчин үеийн зэр зэвсэг нийлүүлэх шаардлагатай байгааг харуулж байна. Украин улс энхтайвныг хүсч байгаа, гэвч түүнийг хамгаалахад орчин үеийн зэвсгээр тоноглогдсон хүчтэй арми шаардагдаж байна” гэж Die Welt сонинд ярилцлага өгөхдөө өгүүлсэн аж.

Өмнөхөн нь, Украины “Укроборонпром” концерн жил бүр үйлдвэрлэдэг танкийн тоогоо 5-120 нэгж буюу 25 дахин өсгөхөөр төлөвлөж байгаагаа мэдэгдэж байсан юм. 

Харин Германы канцлер Ангела Меркель ХБНГУ-ын зүгээс Украинд зэвсэг нийлүүлэхгүй гэдгээ энэ сарын 2-ны өдөр мэдэгдсэн билээ.

Д.Билигт