Төрүүлсэн үрээ хөсөр хаян дайжиж алга болдог муу ёрын ээжүүд байдаг гэхэд итгэмээргүй ч ийм гэмт үйлдэл Монголд түгээмэл болох төлөвтэй байна.   2013 онд ийм гэмт хэргийн  11 тохиолдол бүртгэгдсэн бол 2014 онд 18 болж, 33.4 хувиар өсчээ. Хүүхдээ хаях нь эрүүгийн хуульд заасан гэмт хэрэг. Тиймээс энэ төрлийн гэмт хэргээс урьдчилан сэргийлэх талаар цагдаагийн байгууллага, Нийслэлийн эрүүл мэндийн нэгдэлтэй хамтран ажиллахаар боллоо. Амьдралын ядуу тарчиг нөцөлтэй, хүүхдээ  төрүүлэхийг хүсэхгүй байгаа зэрэг эхчүүдийн талаар эдгээр байгууллагууд харилцан мэдээлэл солилцох, тэдгээр эхчүүдэд эмнэлэгийн үйлчилгээ үзүүлэх зэргээр бодитой ажил зохион байгуулах нь чухал гэж үзэж буй ажээ.

Б.Баяр

Эх сурвалж: Tumen.mn