“Өнөөдөр сонин” Морин жилийн арван алдартныг тодруулж, өнөөдөр өргөмжлөлийг гардуулав. Улаанбаатар зочид буудалд болсон энэхүү  ёслолд  Тэргүүн алдартнаар тодорсон Хакухо М.Даваажаргал өөрийн биеэр хүрэлцэн ирж амжсангүй. Түүний ах нь ирсэн бол бусад алдартнуудаас Ерөнхийлөгч Ц.Элбэгдорж, Ерөнхий сайд Ч.Сайханбилэг нар мөн ирж чадсангүй. Ерөнхий сайдын хувьд тэрбээр Япон улсад айлчлаад өнөөдөр эх орондоо ирж байгаа. Чөлөөт бөхийн спортоор Монголын  хамгийн залуу дэлхийн аварга болсон С.Цэрэнчимэг  гадаадад тэмцээнд оролцохоор явсан байлаа. Ерөнхий сайд асан Н.Алтанхуяг  УИХ-ын гишүүний ажилдаа дарагдаад амжсангүй бололтой. Харин УИХ-ын дарга З.Энхболд, МАН-ын дарга М.Энхболд нар ирсэн байлаа. Монголын гурван сая дахь иргэн Х.Монголжин охиныг төлөөлж түүний нагац эгч иржээ. Ерөнхийлөгч Ц.Элбэгдорж Морин жилд гадаад харилцаанд түлхүү анхаарч хоёр хөршийнхөө төрийн тэргүүнүүдийг Монголдоо ирүүлж, дээд хэмжээний айлчлалыг хийлгэсэн болон АСЕМ-ийн уулзалтыг  2016 онд эх орондоо зохион байгууулах эрх авсан нь томоохон амжилт байлаа. М.Энхболдын хувьд Шийдлийн Засгийн газрыг эмхлэн байгуулалцах, улс төрийн эрүүл орчныг бүрдүүлэхэд санаачлагатай ажиллажээ.  УИХ-ын дарга З.Энхболд төрийн эрх барих дээд байгууллагыг “ухаалаг” болгох, цахимжуулах, АН-ыг  тэргүүлэх  ажилд бусдыг манлайлсан  хэмээн үнэлэгдсэн байна. Чингис хааны одонт анхны эрдэмтэн, дэлхийн  шинжлэх ухааны академид данстай Х.Намсрай гуай тус академийн экспертийн комиссын гишүүн гэдгээрээ онцлог аж. Сүүлийн 14 жилийн турш жудогийн дэмжээнд  хөлс  хүчээ шавхан дэлхийн аварга болсон Г.Болдбаатар ч мөн энэ жил амжилт  ариван байх аж. Тэрбээр энэхүү хүндтэй өргөмлөлийн эзэн болсондоо их л баяртай байгаа харагдсан.

Эх сурвалж: Tumen.mn