Өнөөдрөөс нийслэлийн Засаг даргын “Улаанбаатар хотод ажил эхлэх цагийг өөрчлөх тухай” А/105 дугаар захирамж хэрэгжиж эхэллээ. Тус захирамжаар Улаанбаатар хотод байршин, үйл ажиллагаа явуулдаг их, дээд сургуулийн хичээл эхлэх цагийг 07 цаг 40 минут, Ерөнхий Боловсролын Сургууль, цэцэрлэгийн эхлэх цагийг 08.00 цаг, төрийн байгууллага, яам, Засгийн газрын агентлаг болон тэдгээрийн харьяа байгууллага, бусад төсөвт байгууллагууд, нийслэлийн төр захиргааны байгууллага болон тэдгээрийн харьяа байгууллага, хэрэгжүүлэгч агентлагуудын ажил эхлэх цагийг 08 цаг 30 минут байхаар өөрчлөлт оруулсан. Мөн төрийн болон нийслэлийн нутгийн захиргааны байгууллагууд Хөдөлмөрийн тухай хуулийн дагуу найман цаг ажиллаж 17:30 цагт, цэцэрлэгүүд 18:00 цагт тарж байхаар болсон байна.
Цагийн хуваарийн дээрх өөрчлөлтийг өнөөдрөөс мөрдөж эхлэхтэй холбогдуулан Нийслэлийн Тээврийн газраас нийтийн тээврийн үйлчилгээний алслагдсан 14 чиглэлийн өглөөний эх авалтын цагийг урагшлуулж, өөрчлөлт оруулсан. Мөн шаардлагатай тохиолдолд иргэдийн зорчих эрэлтийг үндэслэн холбогдох судалгаа, тооцооллыг хийж зарим чиглэлүүдийн эх авалтын цагийг өөрчлөх боломжтой гэж Нийслэлийн Тээврийн газраас мэдэгдэж байгаа юм.
Өөрчлөлт оруулсан чиглэлүүд:
| № | Маршрут | Өөрчлөгдсөн эх авалтынцаг |
| 1 | М:3 “ТЭЦ 3 – Алтайхотхон – СБД-ийн 20-р хороо” | 6:35 |
| 2 | М:11 “Нисэх – Чингис хаан ОУ нисэх буудал – Ард кино театр” | 6:40 |
| 3 | М:22 “Нисэх – Сонсголон–Тэнгис кино театр–Ард кино театр” | 6:40 |
| 4 | M:25б “Баянхошуу–Алтайхотхон – ТЭЦ 3″ | 6:40 |
| 5 | М:14 “Улиастай – МИУС – Ард кино театр” | 6:35 |
| 6 | М:14б “Улиастай–Үндэсний цэцэрлэгт хүрээлэн – ТЭЦ3″ | 6:40 |
| 7 | М:20 “Сэлбэ амралт – МУБИС – Вокзал” | 6:35 |
| 8 | М:26 “Улаан чулуут- Их наран – МУБИС” | 6:35 |
| 9 | М:17а “Тагнай трейд ШТС- Орбит-Ард кино театр” | 6:35 |
| 10 | M:17Б “Tахилт – 40 мянгат – Tэнгис кино театр” | 6:35 |
| 11 | М:12 “Ганхийц -ХМК – Зайсан” | 6:35 |
| 12 | М:57 “Гачуурт-Үндэсний цэцэрлэгт хүрээлэн-Зайсан” | 6:30 |
| 13 | М:55 “Зайсан-Баянмонгол хороолол-Хархорин зах” | 6:55 |
| 14 | М:54 “Нарангийн гол – ТЭЦ 3- Дүнжингарав худалдааны төв″ | 6:35 |
_80x80.jpg "МОНГОЛЫГ ДОРОЙТУУЛСАН ЭРХМҮҮД")
_80x80.jpg "“HSE UPDATE-2024 ФОРУМ” Монголд анх удаа дөрөвдүгээр сарын 24-ны өдөр зохион байгуулагдах гэж байна")
_80x80.jpg "Х.Баттулга: Би сонгуульд оролцохгүй, Залуусаа дэмжиж байгаа")
_80x80.jpg "“Төв цэнгэлдэх хүрээлэн”-г нийслэлийн өмчид 100 хувь шилжүүлэн авлаа")
