Фейсбүүкт нэгдсэн 54К гишүүдтэй группыг төлөөлсөн 6 хүн Ерөнхийлөгч Ц.Элбэгдоржид шаардлага хүргүүлжээ. Тэд төр засгийн бодлого, үйл ажиллагаанд шүүмжлэлтэй хандсан байна. Төрийн хямралт байдал нүүрлэж буйг сануулсан уг шаардлагадаа “...Монголын цөөхөн онгон дагшин газар орны нэг болох Ноён уулын экологийг сүйтгэж, ...ариун нандин бүхнийг гутаах гэсэн гаднын заавраар ажиллах Засгийн газар болон түүнийг дэмжин өөгшүүлж буй УИХ-ын гишүүд үйлдэл, “Улс орны дампуурлыг зарлах”-даа тулаад буй нийгэм, эдийн засгийн “хямрал”, ядуурал нь ард иргэдийн тэвчээрийг барж, уур хилэнг улам өдөөн, цаашид нийгэмд ямар ч эмх замбараагүй байдал үүсэж болохыг үгүйсгэх аргагүй, тааварлах боломжгүй болоод байна...” хэмээн онцолжээ. Тэгээд Ерөнхийлөгчөөс “...Засгийн газрыг огцруулах, УИХ-ыг тараах саналуудыг УИХ-д оруулах”, “Дахин шинээр Үндсэн хуулийг хэлэлцэн шийдвэрлэж батлах бүх ард түмний “Түр хурал” байгуулах, түүнд нийт ард иргэдийн төлөөллийг нутаг дэвсгэр, засаг захиргааны нэгжийн харъяаллаар дэвшүүлэн сонгох журмыг боловсруулан батлуулах тухай Зарлиг гаргах”-ыг шаардаж байна гэжээ.
Б.Баяр
Эх сурвалж: Tumen.mn
