“Ноён уулаа аварцгаая” хөдөлгөөн, “Босоо хөх Монгол” төрийн бус байгууллагынхан хэлмэгдэгсдийн өшөөний дэргэд өлсгөлөн зарлаад байгаа билээ. Тэд Сентерра гоулд компанийн Ноён уул орчим дахь  Гацууртын ордод алт олборлохыг эсэргүүцэж байна. Мөн “Урт” нэртэй хуулийг өөрчлөхгүй хэвээр үлдээхийг ххүсч буй. Харин Уул уурхайн яамнаас тэдний шаардлагын хариуг өгчээ. Яамны энэ хариу нь Засгийн газрын байр суурь аж. Уг хариу тайлбарт “Сентерра гоулд Монголиа” компанийн МҮ-431, МҮ-472 тоот тусгай зөвшөөрөлтэй талбайнууд нь орон нутгийн тусгай хэрэгцээнд авсан талбайтай завхцаагүй. Иймээс хууль зөрчөөгүй тул уурхайн үйл ажиллагааг зогсоох боломжгүй” гэжээ. Мөн “Урт” нэртэй хуулийг дагаж мөрдөх журмыг батлан мөрдөх нь зайлшгүй ач тусгай зүйл гэсэн байна. Засгийн газраас ийнхүү Гацууртын “галт тэрэг”-ийг   ямар ч саадгүй хөдөлгөж буй аж. “Галт тэрэг” нэгэнт хөдөлжээ.

Б.Баяр 

Эх сурвалж: Tumen.mn