Шуугиан тарьсан Гацууртын ордын асуудлыг өчигдөр УИХ-ын чуулганаар хэлэлцэх үед тус ордын 20 хүртэл хувийг төр эзэмших нь одоогийн мөрдөж буй Ашигт малтмалын тухай уультай зөрчилдөж байна хэмээн зарим гишүүд хатуу шүүмжиллээ. Иймээс Засгийн газраас оруулж ирсэн тогтоолын төслийг буцаав. Харин Ашигт малтмалын тухай хуульд нэмэлт өөрчлөлт оруулах хуулийн төслийг гишүүдийн 52.7 хувь нь дэмжлээ. Хуулийн төсөлд тусгай зөвшөөрөл эзэмшигч нь төрийн хувь эзэмшлийг өөртөө авна гэвэл рояльтын татвар дээр нэмж тусгай зориулалт бүхий ашигт малтмалын нөөц ашигласаны татвар төлөх  ажээ. Ингэхдээ тусгай зориулалт бүхий ашигт малтмалын нөөц ашигласны татварын хувь хэмжээг дээд тал нь 5 хувь хүртэл гэж тусгасан байна.

Б.Баяр 

Эх сурвалж: Tumen.mn