Улсын хилээр хуш модны самарыг  их хэмжээгээр зөөж гаргасаар байгаа ажээ. Самар нь улсын хилээр гарахдаа гаалийн бүртгэлд хүнсний бүтээгдэхүүн гэсэн ангилалд багтдаг юм байна. Иймээс тэмдэгтийн хураамж төлнө. Самарыг нэг килограмм тутамд нь 3000 төгрөгөөр тооцож хураамж авдаг боловч иргэд үүнийг нь өндөр төлбөр хэмээн  аль болохоор нууцаар ил давуулахыг хичээдэг аж. Сэлэнгэ аймгийн хэд хэдэн сумын иргэд, аж ахуйн нэгжүүдэд самар түүх зөвшөөрөл олгогдсон байна. Иргэд түүсэн самраа голцуу Хятадын компаниудад нийлүүлдэг тул хил давуулан өгвөл үнэ хүрнэ гээд тийнхүү хулгайн замыг сонгодог болжээ. Өнгөрсөн намраас хойш ийнхүү 200 гаруй тонн самар хулгайгаар хил давсан мэдээтэй байна.

Б.Баяр

Эх сурвалж: Tumen.mn