“Эрдэнэс Таван толгой”-н захирал Я.Батсуурийг өнгөрсөн долоо хоногоос мөрдөн шалгаж эхэлсэн. Энэ талаар бид  мэдээлсэн билээ. Тэгвэл түүнтэй  холбогдуулан Ерөнхий сайд асан Н.Алтанхуягийг ч мөн АТГ-аас шалгах болсон тухай мэдээлэл цацагдав. Үүнийг Н.Алтанхуяг болон АТГ, цагдаагийнхан аль аль нь няцааж, “Одоогоор тийм зүйл болоогүй” гэсэн хариу өгч байна. Гэвч өөр эх сурвалжууд “Н.Алтанхуягаас “Нүүрс” хөтөлбөрийн хэрэгт  гэрчээр мэдүүлэг авсан” гэж байгаа. Мөн түүний  хүргэн, Засгийн газрын Хэрэг эрхлэх газрын дэд дарга асан Г.Дэнзэнгийн эхнэрийн “Говь Повер”  компанийн 4.6 тэрбум төгрөгийг “эвлэрлийн гэрээ” хийж шилжүүлэхэд  нөлөөлсөн байж болзошгүй аж. Өөрөөр хэлбэл, Н.Алтанхуяг, Я.Батсуурь нарын ашиг сонирхол нэгдсэн  тул “Эрдэнэс Таван толгой”-д  энэ мэт олон тэрбум төгрөгийн зөрчил илэрсэн болов уу. Гэхдээ өнөөгийн байдлаар ямартай ч Н.Алтанхуягт эрүүгийн хэрэг үүсгээгүй байгаа ажээ.

Б.Баяр

Эх сурвалж: Tumen,.mn