Хууль зүйн сайд асан Х.Тэмүүжинтэй  нэр холбогдож бөөн дуулиан тарьсан Г.Сарангэрэл удахгүй шоронгоос суллагдах болжээ. Тэрбээр мансууруулах бодис хууль бусаар авч явсан хэргээр анхан шатны шүүхээс 1.6 жилийн хорих ял сонсож, үүнийг нь Дээд шүүх хянаад нэг жил хоёр сар болгож хөнгөлсөн байлаа. Түүний ялын хугацаа энэ сарын 20-ны үед дуусах юм байна. Г.Сарангэрэл нь шоронд  орохоос өмнө “Х.Тэмүүжинтэй унтаж хэвтэж явсан мэтээр гүтгэсэн УИХ-ын гишүүн О.Баасанхүүд би гомдолтой байна. Иймээс  нэр төрөө сэргээлгэн, нэг тэрбум төгрөг нэхэмжилнэ” гэж байлаа. Нэгэнт ялын хугацаа дуусч буй тул тэр энэхүү гомдол, нэмэмжлэлээ иргэний шүүхэд хандан тавиад байгаа аж. Өөрөөр хэлбэл, түүний  хувьд одоо шүүх хэрхэн шийдэхийг хүлээх л үлджээ. О.Баасанхүү шүүх дээр хангалттай нотолгоо гаргаж өгч чадах эсэх нь эргэлзээтэй байгаа бололтой. Нөгөөтэйгүүр,  УИХ-ын гишүүний бүрэн эрхийн асуудал энэ хэрэгт нөлөөлөхгүй байх эрх зүйн үндэслэлтэй ажээ.

Б.Баяр

Эх сурвалж: Tumen.mn