ОХУ-д “алан хядагч бүлэглэл” хэмээн зарлагдаад буй Украины “Правый сектор” бүлгийн удирдагч Д.Ярош 24.ua цахим хуудсанд өгсөн ярилцлагадаа цаашдаа хэрхэх гэж байгаа талаараа ярьжээ. Тэрбээр Украины зүүн өмнөд хэсэгт явуулж буй байлдааны ажиллагаагаа Крым Украинд буцаж нэгдсэн тохиолдолд л зогсоох боломжтой гэжээ.

Тэрбээр “Дайн манай ялалтаар дуусна. Тэр үед бүгд тайван, эх амгалан амьдрах боломжтой болж, дурсамж номоо бичнэ дээ” хэмээн өгүүлжээ.

Украины сайн дурынхны фронт, Правый сектор бүлэглэлийн гишүүдийг одоогийн байдлаар Украины армийн 79 дүгээр бригадын бэлтгэл хүч гэж тооцож байгаа юм. Харин Д.Ярош сайн дурынханыг өөрийн бүлэглэлтэйгээ нийлүүлэн тусгай анги нэгтгэл байгуулж, бие даан үйл ажиллагаа явуулах боломжтой гэсэн мэдэгдлийг энэ сарын 1-ний өдөр хийсэн. Тэрбээр өөрсдийнхнийгөө сайн дуранхантай нэгтгэснээр байлдааны дөрөв, тагнуул, хорлон сүйтгэлтийн нэг батальон зохион байгуулж хангалттай хүрнэ хэмээн үзэж байгаагаа ярьсан юм.

Х.Сайхан

Эх сурвалж: www.mminfo.mn