Жил бүр зохион байгуулагддаг Азийн "Боаo" чуулганы үеэр Microsoft компанийг үүсгэн байгуулагч, дэлхийн хамгийн баян хүний нэгт тооцогддог Билл Гейтс өөрийн компанийн ажилчиддаа хандан үг хэлжээ. Тэрээр “Паул Аллен (Microsoft-ийг хамтран санаачлагч) бид хоёр дэлхийн өнцөг булан бүрт айл гэрийн хойморийг компьютертэй болгох том зорилт тавьж ажиллаж эхэлсэн. Тухайн үед бидний зорилтыг хүмүүс солиотой бас хэтэрхий бардам байна гэж хэлж байлаа. Харин өнөөдөр энэ санаа нь хэрхэн биеллээ олж, итгэхийн аргагүй техникийн дэвшлүүдийг авчирснийг бид бүгд мэднэ.

Өнөөдөр би Microsoft-ын шинэ дэвшилтэнд илүүтэй тархиа ажиллуулж байна. Ойрын арван жилд компьютер урьд өмнөхөөсөө илүүтэйгээр хурдацтай хөгжих болно. Бид интернэттэй холбоотой ертөнцөд амьдардаг учраас компьютер илүү түгээмэл болно. Компьютер болон роботууд бидэнтэй харилцан үйлдэл хийж бид түүнийг удирддаг болох үе энүүхэнд байна.

Сатяагийн удирдлагын доор Microsoft илүү хөгжингүй болж чадсан. Бид нэгэнтээ ямар ч асуудлыг шийдвэрлэх эх үүсвэртэй болсон. Бид модерн технологиудтай хамтран хайлтын системийг улам гүнзгий болгоход ажлаа зориулсан. Би техникийн зөвлөгчийн хувьд шинэ бүтээгдэхүүнийг шинжилж үзэн тойм хүргэдэг. Ингэх явцад компанид ажиллаж буй шинэ чадварлаг авьяастан ажилчдаа харан өөрийн эрхгүй бахархал төрдөг. Cortana, Skype Translator, HoloLens гэх мэт хөгжүүлж, соригдож буй шатан дээрээ явагдаж байгаа програмуудын жишээгээр тэдний авьяас чадвар харагдаж байгаа юм.

Ирээдүйд Microsoft олон байгууллагуудтай хамтарч ажиллан тэдний чадамжийг улам илүү сайжруулна.

Зарим газар технологи сурахад хүндрэлтэй, өндөр үнэтэй эсвэл хүрэх боломж байхгүйн улмаас зарим орнуудад хомс байдаг. Та бүгд технологийг хүн болгонд хүртээлтэй болгох талаар бодож үзнэ гэж найдаж байна. PC гэдэг ойлголт нь удахгүй бүх төхөөрөмжүүд дээр суурилуулагдсан байх болно.

Бид эхний 40 жил байгууллагын хувьд үнэхээр бүх талаа ашиглан дээд зэргийн мэдээллийн технологийг бүтээж, амжилттай ажилласан. Харин одоо юу хийх вэ гэдэг нь та нараас шалтгаалах юм. Microsoft-ийг хэдэн арван жил гайхамшигтай компани болон хүн төрөлхтний салшгүй хэсэг болгоход тусалсан та бүхэнд баярлалаа”.

Гейтс Microsoft-ын Гүйцэтгэх Захирлын албанаасаа 15 жилийн өмнө буусан ч өөрийн байгуулсан байгууллагынхаа ар нуруу бас нууцхан зөвлөгч хийсээр байгаа юм. Тэрээр 2014 онд компанийн даргын ажлаа Сатая Наделлад хүлээлгэж өгснийхөө дараа Гейтс филантропийн (буяны) ажилд илүү анхаарлаа хандуулах болсон билээ.

Эх сурвалж: digitaltrends.com