92 дугаар сургуулийн хашаанд чоно байсныг устгалаа гэх мэдээлэл гарч эхэлсэн юм. Энэ талаар албаны эх сурвалжаас тодруулахад, Нийслэлийн Баянзүрх дүүргийн наймдугаар хороо, 92 дугаар сургуулийн хашаанд чоно явж байна гэсэн мэдээллийг нэгэн иргэн цагдаагийн байгууллагад өгсөн гэдгийг баталсан юм. 

Иргэн А өнгөрсөн шөнийн 02:35 цагт энэ дуудлагыг өгсөн бөгөөд цагдаагийн алба хаагчид мэдээллийн дагуу шалгалт явуулахад тус сургуулийн хашаанд чоно байсан нь үнэн байжээ. 

Тиймээс уг чоныг Хот тохижилтын газрын анчнаар устгуулан, Онцгой байдлын хэлтэст хүргүүлсэн гэдгийг албаны эх сурвалж онцоллоо.

Ж.Өөдлөн