Иргэний Зориг Ногоон намаас “мэдэгдэл” буюу ил захидал гаргав. Үүндээ “...Улсын Их хурлаар Тавантолгойн орд ашиглахтай холбоотой Засгийн газрын саналыг хэлэлцэж эхэллээ... УИХ-ын 2012 оны сонгуулийн мөрийн хөтөлбөртөө “Уул уурхайн ордуудыг түшиглэн байгуулагдах компаниудад Монголын талын оролцоог 51 хувиас багагүй байлгах эрх зүйн орчныг бий болгож, хэрэгжүүлнэ” гэж Ардчилсан нам, “Улсын төсвийн хөрөнгөөр хайгуул, судалгаа хийгдсэн ордуудыг ашиглахдаа төрийн оролцоог 51-ээс доошгүй хувиар тогтооно” гэж Монгол Ардын нам, “Төсвийн хөрөнгөөр нөөцийг нь тогтоосон ордуудыг ард түмний мэдэлд байлгаж, төрийн хамгаалалтад авна. Тавантолгойн ордыг ард түмний мэдэлд байлгаж, монголчуудыг өмч хөрөнгөтэй баян чинээлэг амьдрах нэгэн чухал үндэс суурийг бүрдүүлнэ” гэж МАХН, МҮАН-ын Шударга ёс Эвсэл тусгасныг энэ өдөр сануулж байна...” гэжээ. Ийнхүү тус намынхан Засгийн эрх барьж буй намууддаа “хариуцлага” тулгаж буй ажээ.

Б.Баяр

Эх сурвалж: Tumen.mn