Цэцэрлэгийн эрхлэгч нар  эцэг эхчүүдээс хандив нэрээр мөнгө авдагийг таслан зогсоох тухай дээр дооргүй л ярьцгаадаг. Гэвч тэдний “мөнгөний ажил” үргэлжилсээр байгаа ажээ. АТГ-т ирүүлсэн иргэдийн гомдолын дагуу зарим цэцэрлэгүүдэд шалгалт хийхэд энэ нь нотлогдсон байна.  Сонгинохайрхан дүүргийн 156 дугаар цэцэрлэгийн эрхлэгч Ц.Нарантуяа, Баянгол дүүргийн 76 дугаар цэцэрлэгийн эрхлэгч Г.Оюунсүрэн нар ийм зөрчил гаргажээ. Тэд цэцэрлэгт хүүхдүүдийг бүртгэж авахдаа  100 мянган төгрөг татдаг байсан байна. Г.Оюунсүрэн нь нийтдээ 14 сая гаруй төгрөг бэлнээр хураан авчээ. Эдгээр үйлдэл нь албан тушаалын гэмт хэргийн бүрэлдэхүүнгүй тул  АТГ-аас  тэдний хууль зөрчсөн  асуудалд  хариуцлага тооцуулахаар БСШУЯ-нд албан бичиг илгээсэн байна.

Б.Баяр 

Эх сурвалж: Tumen.mn