Оросын сансрын төв Олон улсын сансрын буудал руу хөөргөсөн ачааны хөлөг удирдлагагүй болж, улмаар дэлхий рүү доошилж, агаар мандалд орж ирмэгцээ дэлбэрсэнтэй холбоотойгоор Олон улсын сансрын буудалд ажиллаж буй  гурван нисгэгчийн дэлхий рүү буцах хугацааг хойшлуулжээ. 

Энэ сарын 14-ний өдөр буюу өнөөдөр ОУСТ-д буй гурван нисгэгч дэлхийд буцаж ирэх ёстой байсан ч, ирэх зургадугаар сар хүртэл хойшлуулаад байгаа юм байна.
 
Эдүгээ сансарт зургаан сансрын нисгэгч ажиллаж буй аж. Түүнчлэн сансар дахь нисгэгчдийн буцах хугацааг хойшлуулсантай холбоотойгоор тэдний орны гурван нисгэгчийн сансарт нисэх хугацааг мөн долдугаар сар хүртэл хойшлуулжээ. 

Энэ сарын 22-нд туршилт хийснийхээ дараа хөөргөх хугацааг тогтоох гэнэ. Өнгөрсөн  долоо хоногт сүйрсэн Прогресс М-27М хөлгийн ослын шалтгааныг тодруулах судалгааны ажил үргэлжилж байна.