Саудын Араб тэргүүтэй цэргийн эвслийн нисэх онгоцууд таван өдөр гал зогсоох горим мөрдсөний дараа Йемений нутгийг дахин бөмбөгдөж эхэлжээ. Харин НҮБ-аас Йеменд гал зогсоох хугацаааг сунгахыг уриалсан аж. Өнгөрсөн өдрүүдэд хуситын босогчид болон Засгийн газрын цэргүүд Йемений зарим нутагт тулалдсан хэвээр байсан ч талууд гал зогсоох горимыг мөрдсөн гэнэ. Гал зогсоох хугацаанд хүмүүнлэгийн байгууллагууд энгийн иргэдэд нэн шаардлагатай тусламжийн барааг хүргэсэн байна.