Энэ оны 5 дугаар сарын 22-ны өдөр Тусгаар Тогтнолын ордны Залуус хөгжлийн төвд Хөвсгөл аймгийн оюутны нэгдсэн холбоо, “Нийгмийн Ардчилал” МОХ-оос зохион байгуулсан Эрдэм шинжилгээний бага хурал амжилттай зохион байгуулагдаж өнгөрлөө.

          Хөвсгөл аймгийн Хөгжлийн форумыг угтан оюутнууд орон нутгийн хөгжлийн талаар хэрхэн хувь нэмэр оруулах, орон нутгийн хөгжлийн төлөвлөлтөнд шинэ залуу үеийн үзэл бодлыг сонсох зортилготой “Хөвсгөл аймгийн хөгжлийн гарц шийдэл” эрдэм шинжилгээний бага хуралыг Хөвгөл аймгийн оюутан,залуучууд 2 дахь удаагаа зохион байгуулж “Нийгмийн Ардчилал” МОХ-оос дэмжиж ажиллалаа .

         Тэмцээний шүүгчдээр Хөвсгөл аймгаас Улаанбаатар хотод ажиллаж амьдарч байгаа шилдэг залуус ажиллаж нийт 20 гаруй бүтээл ирснээс 11 илтгэлийг 2-р шатанд сонгон авч оролцогчид илтгэлээ танилцуулан эхний 4 байрыг шалгаруулан урамшуулсан байна.

         Тэргүүн байранд: Нийгмийн ухааны чиглэлээр элсэлтийн шалгалтад бэлдэж байгаа дүү нартаа зориулж ухаалаг утасны application  зохиосон МУИС-ын 3-р курсын оюутан Э.Адьяадорж Дэд байранд Ургийн гажилт ,хөгжлийн талаар илтгэлээ бэлдсэн АШУИС-ын 4-р курсын оюутан Б.Нямбаяр Гутгаар байранд :Олон нийтийн оролцоог нэмэгдүүлэх хэрэгтэй хэмээсэн Б.Даваажаргал эзэлсэн бол тусгай байранд: Залуучуудын хөдөлмөр эрхлэлт сэдвээр бэлдсэн МУИС-ын 3-р курсын оюутан Г.Уянга тус тус эзэллээ.

          Тэмцээний үеэр энэхүү үйл ажиллагааг дэмжиж ажилласан “Нийгмийн  Ардчилал” МОХ-ны Ерөнхий нарийн бичгийн дарга Г.Батдорж НАМОХ-оос Хөвсгөл аймгийн бүх төрийн бус байгууллагаас төлөвлөсөн ажилд дэмжиж ажиллахаа илэрхийллээ.