Өнөөдөр Бөхийн өргөөнд харцага, начин цолтнуудын халз бооцоот барилдаан болно. Одоогийн байдлаар бөх эхлэх болоогүй байхад бөхийн хорхойтнууд эрт ирчихсэн цагаа хүлээсэн байдалтай гадаа нь зогсож байгаа аж. 

Уг барилдааны тасалбарын үнэ тэнгэрт гарч, тасалбараа авч амжаагүй хүмүүс тавин мянгаар тасалбар худалдан авч харагдана. Уг нь таван жилийн өмнө ямар ч барилдааныг 6000-аар л үзчихдэг байв.

Хамаг юмныхаа үнийн өсөлтийг бензинтэйгээ л их холбож тайлбарладаг улсууд, уг нь бензин нээх өсөөгүй байхад энэ билет яагаад ингэж их үнэд орох болов оо? 

12-хон бөхийн гурван цаг үргэлжлэх барилдааны үндсэн үнэ 20 мянга, тэгээд дээр нь ТВ -ээр шууд дамжуулахгүй. Тэртээ тэргүй хүмүүс дүүрэн үзээд байхад шууд дамжуулан гаргасан, гаргаагүй яахав дээ. Нэг гэрийн хоёр хамт очиж бөх үзлээ гэхэд "хоёр хүний билет за яахав шаггүйгээр авч амжлаа гэхэд 2*20000 = 40000, за унааны мөнгө автобусдлаа гэхэд 2000, за очоод ганц ганц аяга хоол иднэ 10000, аа тийн бас ганц сав ундаа авч орно 3000, тэгээд ч бас болоогүй 00-д нь орлоо гэхэд 400 хэмнээд хэмнээд энэ мэтээр ингээд 60 мянга хол даваад явчих жишээтэй.

Эх сурвалж www.wikimon.mn