Энэ мэдээ хуучирсан буюу 2015/06/02-нд нийтлэгдсэн мэдээ болно.

Гар барьж мэндлэхээс татгалзаарай

Саудын Арабаас гаралтай Коронавируст халдвар (MERS-CoV) нь амьсгалын замаар дамждаг, хүнд явцтай, нас баралт өндөртэй, шинэ халдварт өвчин аж. 

Энэ халдварт өвчин манай орны иргэдийн ихээр зорчдог Бүгд Найрамдах Солонгос Улсад бүртгэгдэж, одоогийн байдлаар нэлээд олон тооны хүн өвчилж, лабораторийн шинжилгээгээр батлагдаад байгаа аж. 

Эл өвчнөөр анх өвчилсөн өвчтөн нь Арабын Нэгдсэн Эмират улс, Саудын Араб, Катар улсаар аялсан өгүүлэмжтэй байна. Одоогийн байдлаар түүний эхнэр, хүүхэд, эмнэлэгт хамт хэвтэж байсан өвчтөнүүд өвчлөөд байгаа талаар ЭМСЯ-аас анхааруулж байна. Мөн энэ өвчин гурван тивийн 25 улсад тархаад байгаа учраас шаардлагагүй бол гадны улс руу зорчихгүй байхыг анхааруулжээ. 

Коронавируст халдвар нь гар барих, аяга тавагнаас халдварладаг байна. Анхны тохиолдол тэмээний сүүгээр дамжин хүнд халдварласан тул амьтантай ойртохгүй байх нь чухал гэнэ. Мөн онцын шаардлагагүй бол БНСУ-д зорчихгүй байх, гараа сайтар савандаж угаах, түүхий сүү, хагас боловсруулсан бүтээгдэхүүн хэрэглэхгүй байх, биеийн эсэргүүцлийг сайжруулах, илчлэг сайтай хоол, хүнс хэрэглэх, зэрлэг амьтадтай харьцахгүй байх, амьтны захаар явахгүй байх, халуурах, ханиалгах, амьсгалахад төвөгтэй болох зэрэг шинж тэмдэг илэрвэл эмнэлэгт яаралтай хандах хэрэгтэйг сануулж байна. 
 

 

Цалин нэмэх асуудлаар төрийн ордонд мэдээлэл хийнэ
Харахгүй байхын аргагүй халуухан бүсгүйчүүд
Энэ мэдээ хуучирсан буюу 2015/06/02-нд нийтлэгдсэн мэдээ болно.