Хятадын Зэвсэгт хүчний ангиуд хөрш Мьянмартай хил залгаа нутагт цэргийн сургуулилт хийж эхэлжээ. Хилийн нөгөө талд Мьянмарын цэргийнхэн коканг хэмээх үндэсний цөөнхийн төлөөлөгчдөөс бүрдсэн босогчдын эсрэг тулалдаж буй юм. Өнгөрсөн гуравдугаар сард хил залгаа нутгийг бөмбөгдсөнөөс таван хятад тариачин амь насаа алдсан хэрэгт Хятадын эрх баригчид Мьянмарын талыг буруутгасан билээ. Үүний дараа Хятадын тал Мьянмарыг эрх баригчдад хандан хилийн бүсэд оршин суудаг иргэдээ хамгаалахын тулд эрс шийдмэг алхам хийхээс буцахгүй гэдгээ мэдэгдсэн юм. Мьянмарын тал коканг үндэстний босогчдыг Хятадын эрх баригчид сургаж, зэвсгээр хангадаг тухай мэдэгддэг боловч Бээжин дэх удирдлагууд үүнийг няцаадаг.