Монголын “Малчин эмэгтэйчүүдийн анхдугаар чуулга уулзалт” өнөөдөр “Улаанбаатар палас”-ын их танхимд зохион байгуулагдаж байна. Чуулга уулзалтад аймаг бүрээс ажил үйлс, амжилт бүтээлээрээ шалгарсан 3000 гаруй малчин эмэгтэй оролцож байгаа юм. 

Малчдыг дэмжих чадавхжуулах маш олон арга хэмжээг төрөөс явуулсаар ирсэн. Үүний нэг нь малчин эмэгтэйчүүдийг нэгтгэж тэдний үзэл бодол хүсэл сонирхлыг нэгтгэх зорилготой "Малчин эмэгтэйчүүдийн холбоо" юм. Уг холбооноос гэр орон үр хүүхдээ өсгөх, малаа маллаж эцсийн бүтээгдэхүүн үйлдвэрлэх гээд олон ажлыг амжуулж байдаг малчин эмэгтэйчүүдийнхээ үгийг сонсож, тулгамдсан асуудлыг нь хамтдаа шийдэх гарц хайх үүднээс уг чуулганыг зохион байгуулж байгаа юм.