Шунахайн сэдлээр хоёр хятад иргэнийг хөнөөсөн хэрэг өнгөрсөн оны нэгдүгээр сард гарсан. Тодруулбал, С.Ганбаяр, Т.Чинтогтох, Т.Шинэзориг, Н.Ганбадрал, Б.Намхай  нар нь 210 сая төгрөгийг дээрэмдэхийн тулд Баянгол дүүрэгт хоёр хятад иргэнийг хөнөөсөн хэрэг гарсан. Тэгвэл Дүүргийн хоёрдугаар прокурорын газраас тэдэнд Эрүүгийн хуулийн тусгай ангийн 91 дүгээр зүйлийн 91.2.1, 91.2.6, 91.2.7, 91.2.11, 91.2.12, 91.2.16 зүйл заалтаар хэрэг үүсгэн шүүхэд шилжүүлсэн юм. Шүүх хурлаар залууст 23-25 жилийн хорих ял оноожээ. Тэрээр шүүгдэгч Т.Чинтогтох, Т.Шинэзориг, Н.Ганбадрал нарт тус бүр 25 жилийн хорих ял, шүүгдэгч С.Ганбаяр, Б.Намхай нарт тус бүр 23 жилийн хорих ял оноож, тэдний эдлэх дэглэмийг чанга дэглэмтэй эрэгтэйчүүдийн хорих ангид эдлүүлэхээр шийдвэрлэсэн байна. Амиа алдсан хятадуудын хувьд манайд арьс түүхий эдийн ченж хийгээд удаж байсан бөгөөд сэжигтэнүүдийн нэгэнтэй нь их ойр дотно танилууд байсан аж.

Эх сурвалж: Шуурхай.мн