Иргэд хөдөө орон нутагруу хот хоорондын зорчигч тээврийн автобусаар явахдаа заавал "Драгон" төвд очиж тасалбар бичүүлэх шаардлагагүй болжээ. Учир нь өчигдөр буюу энэ сарын 7-ноос эхлэн автобусны тасалбарын захиалгыг онлайнаар авдаг болжээ. Энэ нь иргэдийн цаг, завыг хэмнэж тэдэнд хот хоорондын зорчигч тээврийн үйлчилгээг ойртуулах зорилготой аж. Зорчигч тээврийн автобус үйлчилдэг бүх аймгийн иргэд онлайнаар тасалбар захиалахдаа Автотээврийн үндэсний төвийн www.teever.gov.mn сайтын “Тасалбар захиалах” цэс рүү орж явах өдөр болон суудлаа сонгоод захиалгаа идэвхжүүлэх юм байна. Дашрамд сонирхуулахад, онлайн захиалгад хөдөө орон нутгаас гадна Улаан Үд, Бээжингийн автобусны маршрут бүхий хотуудыг ч хамруулсан байна.

Т.Болор