Иргэдийн цаг зав, ажил хэргийн нөхцал байдлаас шалтгаалан түргэн хоолны хүргэлтийн үйлчилгээ  хаа сайгүй болсон. Үүнтэй холбогдуулан харьцангуй үнэтэй хүргэлтийн хоол болох пицца, тахианы махан түргэн хоолны чанарын асуудлыг мэргэжлийн байгууллагууд  анхаарах цаг хэдийнэ болсон байна. 

Манай сайтад нэгэн иргэн гомдол илгээсэн байна. Тэрбээр Мixx Pizza түргэн хоолны газрын захиалгын хоолоорхааяа үйлчлүүлдэгнэгэн аж. Гэтэл  хоёр хоногийн өмнө  Мixx Pizza-ийн 300-300 утсанд залган 35.900 төгрөгийн үнэтэй 3 төрлийн  Тахианы махан сэт  захиалахад  тус хоолны хачир болох  талх, кекс нь  дор харагдаж байгаачлан хөгцөрсөн байжээ. Үйлчлүүлэгч тэр даруй  Мixx Pizza-ийнханд хандан  хөгцөрсөн кексийн тухай мэдээллийг өгөхөд тэд ер тоосон шинжгүй  талхыг нь сольж өгч болох  юм гэж “даапаалжээ”.

Ийнхүү чанаргүй, хадгалах хугацаа нь хэтэрсэн, гэмтэж муудсан бүтээгдэхүүнээр иргэдэд үйлчилж нэг талаас иргэдийн эрүүл аюулгүй хүнс хэрэглэх эрхийг нь зөрчиж,  нөгөө талаас үйлчилгээний чанар, наад захын соёл байхгүй зөвхөн мөнгө олохыг л  гол зорилго болгон улайран ажиллаж байгаа Мixx Pizza мэтийн газруудад хариуцлага тооцдог хууль хяналтын байгууллага гэж байна уу.

Эсвэл иргэд энэ чигээрээ чанаргүй хүнс хэрэглэх нь зөв хэрэг болоод өнгөрөх ёстой юу. Ямартай ч  тухай иргэний хувьд дахин Мixx Pizza-аар үйлчлүүлэхээргүй болсон гэнэ. Магадгүй иргэн та Мixx Pizza-аар үйлчлүүлдэг байсан бол  энэ сонголто эргээд нэг хараарай гэж хэлэх байна.

Ц.Мөнх