-Энэ сарын 11-нд "Унадаг дугуйн Парад" болно-

Монголын Залуучуудын Холбоо “Спирт үү, спорт уу” аяныхаа хүрээнд “Унадаг дугуйтай Улаанбаатар” төслийг хэрэгжүүлж эхэлсэн бөгөөд залуучуудын дунд давалгаалж байгаа хамгийн үр дүнтэй төсөл болж байгаа гэдэгтэй хэн ч маргахгүй байх аа.

Өмнө нь зохион байгуулагддаггүй байсан унадаг дугуйн парадыг тогтмол зохион байгуулж байгаа юм. 2012 онд Чингисийн талбай дээр залуус Унадаг дугуй хийсэн бөгөөд 2013 онд Зам гэсэн үг бичиж төр засагт унадаг дугуйн зам хэрэгтэй байгаа дуу хоолойгоо хүргэсэн юм.

Мөн залуус энэ оны өнгөрөгч наймдугаар сарын 25-н буюу “Монголын залуучуудын өдөр”-өөр МЗХ-ны гадаа талбайд унадаг дугуйгаа шатааж хүртэл дуу хоолойгоо өргөж байсныг санаж байгаа болов уу.

Ямартай ч энэхүү төсөл аймаг орон нутагт ч давалгаалаад эхэлсэн бөгөөд нийслэлийн зарим дүүрэгт унадаг дугуйн зам тавьж энэ зун залуус эко тээврийн хэрэгсэл болох унадаг дугуйгаар нийслэлээ чимж, байгууллагууд гадна талбайдаа унадаг дугуйн зогсоол барьж их л үр дүнтэй зун болж өнгөрлөө.

Тэгвэл энэ Бямба гараг буюу 10-р сарын 11-нд энэ намрын хаалт “Ногоон гудамж-Унадаг дугуйн зам” унадаг дугуйн парад “гоё мэдээ, гоё парад” гэсэн уриатайгаар зохион байгуулагдах гэж байна. Парад дээр Эдийн Засгийн Хөгжлийн Яам “Гудамж” төслийн санаачлан хэрэгжүүлэхээр төвөвлөж байгаа “Ногоон гудамж-Унадаг дугуйн зам” төслийг таницуулах юм байна.

Дугуйн парадын ерөнхий зохион байгуулагчаар МЗХ, ЭЗХЯ “Гудамж төсөл”, МЗХ дэргэдэх “Залуу дугуйчин клуб” хамтран зохион байгуулагчаар Нийслэлийн ЗДТГ, нийслэлийн ЗЦГ, дэмжигч байгууллагаар НЕТГ-ын дэргэдэх Нью имежи клуб, Монголын дугуйн холбоо, Монголын триатлоны холбоо, МЗХ-ны дэргэдэх Найс байк клуб, Аттила дугуйн дэлгүүр, Cannondale дугуйн дэлгүүр, Никель Ганбаа ХХК, МЗХ-ны дэргэдэх Монголын Авто замчин залуучуудын холбоо ажиллаж байгаа юм байна.

Парад энэ сарын 11-ны 10.00 цагт Чингисийн талбайд нээлтээ хийж Чингисийн талбайгаас баруун 4 зам, баруун 4 замаас зүүн 4 зам, эргээд Чингийн талбай гэсэн нийт 9,2 км явах юм байна. Парадад оролцохдоо хамгаалалтын малгай өмссөн байх, унадаг дугуйн урд хойд тормос бүрэн ажиллаж байх, 13–аас доош насны хүүхдүүдийг харгалзах насанд хүрсэн хүнгүйгээр параданд оролцуулахгүй байх гэсэн шаардлагууд тавигдаж байгаа юм байна.

Дэлгэрэнгүй мэдээллийг доорх линкээр орж авна уу? https://www.facebook.com/events/628812923901466/

Эх сурвалж: www.dorgio.mn