Монгол түмэндээ зориулав.


Шуурхай мэдээ

Яана даа АН, яая даа тэднийг

Нийтэлсэн: Монгол Хүү | Улстөр
2020 09 сар 25 ・ 271

Улстөрд голлогч,улстөрийн хоёр том намын нэг нь түүхэнд бичигдэн үлдэх нь гарцаагүй боллоо. Гэхдээ татан буугдсан гэдгээр...
    Учир нь, УИХ-ын 2020 оны сонгуульд нэр дэвшигчдээ тодруулахаас эхлэн "МӨНГӨНИЙ" машин болсон Ардчилсан намын тухайд одоо бол эгээ л хойдохыг нь уншихыг яарсан хүмүүс тэнд цуглажээ гэж харагдах боллоо. Намыг нь мөнгөний машин болгосон экс дарга С.Эрдэнэтэйгээ учраа олохоос өмнө залуус нь цэвэрлэгээ хийх нэрээр олон нийтэд мэдээлэл хийсэн ч хий хоосон орон зайд худал үглэн гарч ирсэн нь өдгөө тодорхой болж байна. Тиймдээ ч орон нутгийн сонгуульд өнөөх л мөнгөний хэрүүлээ хийгээд улс, орны нийгэм, эдийн засагт анхаарал хандуулах байтугай сэтгэлээ зориулахыг зэхэж явсан намаа "залилангийн уурхай" байсныг зарлан тунхаглаж ар, араасаа мэдээлэл хийх болжээ.

Тухайлбал, дөнгөж өчигдөрхөн /2020.09.24/ гишүүн Д.Мөнх-Эрдэнэ "Намын одоогийн удирдлага намд аудитын шалгалт оруулахад их хэмжээний мөнгөний асуудал үүссэн байна". Намын сонгуулийн төсвөөс 2-3 тэрбум төгрөг дутсан, зарим хэвлэл мэдээллийн хэрэгслүүдэд төлбөр төлөөгүй гээд ойролцоогоор 4-5 орчим тэрбумын асуудал үүссэн гэсэн мэдээлэл байна. Өөрөөр хэлбэл, намын даргын ажлаа өгсөн С.Эрдэнийг "УИХ-ын"сонгуулийн үеэр намын нэр барьж залилан хийсэн гэж би үзэж байгаа юм.Би өмнө нь хэлж байсан намын санхүүжилтийн асуудлаар ҮБХ-ны гишүүддээ нээлттэй тавиач гэсэн санал гаргаж байсан ч авч хэлэлцээгүй. Би мөнгөө намын удирдлагад өгч луйвардуулсан гэж үзэж байна. Өмнөх намын дарга намын байранд үнэгүй суулгаж байгаа гэж бодсон боловч 20-30 сая төгрөгийн түрээсийн төлбөр төлдөг байсан байгаа юм. Удахгүй энэ аудитын дүгнэлтийг ҮБХ-ны гишүүдэд танилцуулах байх. Түүнээс гадна өмнөх намын дарга С.Эрдэнийн хүргэн Баянгол дүүрэгт нэр дэвшээд, дүүргийн төлөөлөгч хийгээд, намын гишүүн байгаад байна. Энэ хүмүүс дүүрэгт төдийгүй, манай намд байх ёстой хүмүүс биш юм гэж үзэж байгаагаа мэдэгдэж байна. Түүнээс гадна манай нам орон нутгийн сонгуульд намаа хагалж, бутаргаж, өөр нам байгуулж, санал хувааж явсан хүмүүстэй хамтарч байгаад би хувьд их "харамсаж"байгаа юм.хэмээн мэдэгдсэн.


Харин НИТХ дахь Ардчилсан намын бүлгийн дарга М.Тулгат мөн мэдээлэл хийхдээ: УИХ-ын сонгуулийн дараа намын санхүүд аудитын шалгалт оруулсан гэсэн мэдээлэл бий. Мөн тодорхой хэмжээний мөнгө дутсан гэж байгаа. Албан ёсны дүгнэлттэй танилцаагүй. Ер нь улстөрийн намууд, тэр дундаа манай АН-ын хувьд ямарваа нэгэн хөрөнгө мөнгөний болоод ёсзүйн зөрчлийг гаргаж болохгүй. Дараа, дараагийн удаа ийм байдал гаргахгүйн тулд хяналт, шалгалтыг маш сайн хийж, тодорхой арга хэмжээг авах нь зүйтэй гэж үзэж байна.

НИТХ-д 45 нэр дэвшигч, мөн дүүргүүдэд нэр дэвшигчид ч тодорхой. Тэдний дунд зарим даргын хүүхэд, хамаатан садан байж магадгүй. Зөвхөн тэдэн харвал олон л харагдана. Гэхдээ миний хувьд ихэнх нь өөрсдийн чадлаараа, нийслэлийн төлөө ажиллаж байгаа залуус л харагдаж байгаа хэмээн мэлзэж сууна билээ.
Товчхондоо, АН-ын лидер гэгдэж явсан цагтаа УИХ-ын гишүүн байсан нөхөд амаа хамхиж, ердөө л цахим орчинд "цахилдаг" болсон бол намаа аврах гэсэн залуус нь улам бүр булхайг нь дэлгэж булшилсаар байна. Дэлгэе гээд сайн мэдээгүй, даръя гээд далдайгаад байгаа булайгаасаа бол АРДЧИЛСАН НАМ ч амь тавих нь тийм холын төсөөлөл биш болжээ, хөөрхий

Эх сурвалж: Erennews.mn

 


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй