Япон улсын Гадаад хэргийн сайд Мотэги Тошимицү Монгол Улсад албан ёсоор айлчлалын үеэр 230 сая ам.долларын нэн хөнгөлөлттэй зээл авах гэрээнд гарын үсэг зурна гэдгийг УИХ-ын дарга Г.Занданшатар хэллээ.

Уг зээлийн хэлэлцээрийн талаарх асуудлыг өнөөдөр Төсөв, Эдийн засаг, Аюулгүй байдал, гадаад бодлогын байнгын хороодоор хэлэлцэхээр болсныг УИХ-ын дарга Г.Занданшатар чуулганы хуралдааны үеэр танилцуулсан юм.

Гадаад харилцааны сайд Н.Энхтайваны урилгаар Япон улсын Гадаад хэргийн сайд Мотэги Тошимицү энэ сарын 9-10-ны өдрүүдэд манай улсад айлчлах юм.