Монгол түмэндээ зориулав.


Шуурхай мэдээ

Коронавирусийн эсрэг вакцинжуулалтыг дэлхийд анх удаа эхлүүлэхээр боллоо

Нийтэлсэн: Монгол Хүү | Дэлхий
2020 12 сар 02 ・ 206

Их Британийн засгийн газар Pfizer/BioNTech компаниудын бүтээсэн коронавирусийн эсрэг вакцинд өнөөдөр албан ёсоор зөвшөөрөл олголоо.

 

Ингэснээр тус улсад Covid-19 өвчний эсрэг бүх нийтийн вакцинжуулалт ирэх долоо хоногт эхлэхээр болж байна. Энэ бол дэлхийд анхны тохиолдол юм.

Pfizer/BioNTech компаниудын бүтээсэн вакцинаас 40 сая тунг Британийн засгийн газар захиалаад байгаа.

Энэ нь 20 сая хүнийг дархлаажуулахад хангалттай хэмжээ юм.

Ойрын үед 10 сая тун вакцин үйлдвэрээсээ гарах ба хэдхэн хоногийн дотор Их Британид эхний ээлжийн вакциныг нийлүүлэхээр болжээ.

Ердийн үед нэг вакциныг бүтээхэд 10 орчим жил зарцуулдаг бол АНУ-ын Pfizer, Германы BioNTech компаниуд 10 сарын дотор гаргасан нь түүхэнд хамгийн богино хугацаа зарцуулсан тохиолдол болж байна.

Их Британийн эрүүл мэндийн сайд Мэтт Хэнкок “Эрүүлжих цаг айсуй. Вакцинжуулах ажлыг ирэх долоо хоногийн эхээр эхлүүлнэ” гэж твиттер хуудсандаа мэдээлжээ.

 

Эх сурвалж: BBC


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй