Энэ мэдээ хуучирсан буюу 2015/04/12-нд нийтлэгдсэн мэдээ болно.

Хулгай хийсэн Монгол залуусын нэрийг зарлалаа

 

Солонгос улсын Сөүл хотын цагдаагийн газраас энэ долоо хоногт тус хотын нутаг дэвсгэрт хулгайн гэмт хэрэг бүлэглэн үйлдсэн Монгол залуусын талаарх мэдээллийг олон нийтэд хүргэсэн билээ.

Монгол залуус өнгөрсөн 2 сарын 27-ны өдөр Сөүл хотын метроний 4-р шугам, Түнгдэмүн буудлын дамжин өнгөрөх цахилгаан шатан дээр зорчиж байхдаа Солонгос улсын иргэн, 24 настай Ким бүсгүйн гадуур хувцасны халаасанд байсан нэг сая воны үнэ бүхий смарт гар утсыг  хулгайлсан байна. Хулгай хийсэн залуусаас нэгийг саатуулсан нь 27-н настай Мөнхсүх нэртэй, харин хэрэг үйлдсэний дараа эх орон руугаа буцсан 2 хамсаатны нэгийг 26-н настай Очир гэдэг байсан гэж хэргийг шалгаж байгаа Сөүл хотын цагдаагийн газраас өнөөдөр мэдээлэллээ. 

Тэд нэг бус удаа бүлэглэн хулгайн гэмт хэрэг үйлдсэн нь тодорхой болсон тул холбогдох хэргийг бүрэн гүйцэд шийдвэрлэхийн тулд эх орон руугаа буцсан хоёр залууг саатуулж, Солонгос улсын талд хүлээлгэн өгөх хүсэлтийг Монгол улсын Цагдаагийн ерөнхий газарт гаргасан байна.

Хэрэв Монгол улс дээрх хүсэлтийг зөвшөөрвөл хулгайн гэмт хэрэг үйлдээд эх орондоо буцсан Монгол залуусыг Солонгос улсад эргүүлэн хүргэж, хэргийг шүүх ажээ.

Солонгос улс хүний эрхийг дээдлэх үүднээс гэмт хэрэг үйлдэгсдийн нүүр царай, нэр, насыг зарладаггүй байсан боловч сүүлийн үед өсөн нэмэгдэж байгаа гэмт хэргүүдийн тоог багасгах зорилгоор хүнд, ноцтой гэмт хэрэг үйлдэгсэд болон шаардагатай гэж үзсэн сэжигтнүүдийн нэрийг, зургийн хамт олон нийтэд зарлах арга хэмжээг авдаг болсон байна.

Б.Анир 

Эх сурвалж: Zaluu.com

Т.Санчирт Монголчуудаас гадна филиппинчүүд ч итгэж байна
Т.Санчирт Монголчуудаас гадна филиппинчүүд ч итгэж байна
 
Путин: F-16 онгоцтой баазууд руу нь довтолно
Путин: F-16 онгоцтой баазууд руу нь довтолно
Энэ мэдээ хуучирсан буюу 2015/04/12-нд нийтлэгдсэн мэдээ болно.