УИХ-ын 17-р тойрог Хөвсгөл аймагт нэр дэвшиж байгаа Л.Гүндалай Тайландын Вант улсын нийслэл Бангкок хотноо “Гацсан” байгаа ч сонгуулийн сурталчилгаагаа цахимаар хийсээр байгаа билээ. Тэрээр фэйсбүүк хуудсаараа дамжуулан Хөвсгөл нутгийн иргэд сонгогчидтойгоо холбогдон сурталчилгаагаа өдөр бүр live-аар хүргэж байгаа. Нэр дэвшигч нь одоог хүртэл хилийн чанадад байсаар байгаа нь 90.000 сонгогчдын сонгох эрхийг ноцтой зөрчиж байна гэж Хөвсгөлийн иргэд үзэн, нэр дэвшигчээ эх оронд нь 06-р сарын 17-ны өдрийн Сөүлээс ирэх тусгай үүргийн онгоцоор ирүүлэхийг УОК-оос шаардан жагсаал зохион байгуулж байна. Л.Гүндалайгийн эхнэр, хүүхдийг тусгай үүргийн онгоцоор авчирсан ч түүнийг Бангкок-д яагаад ганцааранг нь үлдээснийг тайлбарлахыг мөн шаардаж байгаа юм. Тиймээс  Л.Гүндалайг хамгийн эхний тусгай үүргийн онгоцонд багтааж, Хөвсгөл нутгийн сонгогчдын сонгох эрхийг хангаж өгөхийг УОК-оос шаардан жагсаал зохион байгуулж байгаа юм.