Оросын төрийн өмчит вирологи, биотехнологийн судалгааны төв Векторын бүтээж буй коронавирусийн эсрэг вакцин арваннэгдүгээр сард бөөний үйлдвэрлэлд шилжих төлөвлөгөөтэй байгааг тус төвийн ерөнхий захирал Ринат Максютов өчигдөр Россия-1 сувагт ярьжээ.

“Энэ оны арваннэгдүгээр сард вакцины үйлдвэрлэлийг эхлүүлнэ гэсэн төлөвлөгөөтэй байна. Энэ оны эцэс, эсвэл ирэх оны эхээр эрсдэлтэй бүлгийн вакцинжуулалтыг эхлүүлж, цаашдаа нийтийг хамруулах боломжтой болно” гэж Максютов ярьсан байна.

Москва хотын Гамелейн нэрэмжит хүрээлэнд бүтээж буй вакцин энэ долоо хоногт зөвшөөрлөө авч, аравдугаар сараас хэрэглээнд шилжих болсныг өнгөрсөн долоо хоногт албаныхан зарласан юм.

Одоогийн байдлаар ОХУ-д коронавирусийн халдварын 850,000 гаруй тохиолдол бүртгэгдэж, 14,128 хүн нас бараад байна.

Эх сурвалж: ТАСС