Дундговь аймгийн Цагаандэлгэр сум Улаанбаатар хотоос 240 гаруй км-т байдаг. Харин Говь-Угтаал сум Цагаандэлгэрээс цааш 45 орчим км-ийн зайтай гэж байгаа. Тэгвэл нийслэлчүүдээс ердөө 300 орчим км-ийн зайтай газарт Хятадын 100 хувийн хөрөнгө оруулалттай “Чин хаш” гэх компани олборлолт явуулаад эхэлчхэж. Үйл ажиллагаа нь эхлээд жил орчим болж байгаа гэх бөгөөд тэнд 22 хятад иргэн ажиллаж байгаа аж.

Тэгвэл тэрхүү хятад иргэд хэзээ Монгол Улсын нутаг дэвсгэрт ороод ирсэн хэрэг вэ. Мөн Хятадын 100 хувийн хөрөнгө оруулалттай тэрхүү компанид хэн хэзээ зөвшөөрөл олгосон бэ” гээд асуудал цааш хөврөх нь мэдээж.

Бид цар тахалтай сэтгэл зүй, эдийн засгаараа тэмцэж байгаа энэ мөчид тэдгээр 22 иргэн өнгөрөгч 9 дүгээр сарын 11-нд орж ирж, тусгаарлагдаад 10 сарын 3-нд гараад Говь-Угтаал суманд ёстой л тухалсан аж. Тэрхүү байдлыг “Далд хүн” ТТБ-ын 10 дугаар сарын 24-ний өдрийн бичлэгээс харж болно. Тэдэнтэй хамт сайт, ТВ-ийн сэтгүүлчид ч хамтарсан байсан юм.

Тэдгээр хятад иргэн, тэдний хэлмэрч гэх залуугийн үйлдлээс “тэд ямар их том зантай, ихэрхүү дээрэлхүү” байгааг харж болно. Зөвхөн ганц жишээг дурдахад “Чин хаш” компанийн орчуулагч гэх залуу “Та нарт ердөө төлөөлөл болгоод 5 хүний паспортыг л үзүүлье. Харин тэр Харьяатынхан чинь ирвэл бүгдийг нь шалгуулна. Тав байхад хангалттай” гэж ПЭД ПЭД дуугарч байв. Тэгснээ бичиг баримт нь байхгүй бололтой хэн нэгэнтэй утсаар ярихдаа “Нөгөө Онцгой комиссын бичиг хаана байна... Яагаав нөгөө торгуулсан...” гэж яриад кемп рүүгээ орж явж харагдсан юм.

Говь-Угтаал сумын нутагт байгалийн маш ховор эрдэнэс байдаг тухай нутгийн иргэд хэлж байсан юм. Тэгээд ч “Чин хаш” компани төмрийн хүдрийн үйлдвэр барьж байгаа гэх ч хэзээний олборлолт явуулаад эхэлсэн, бүр нүүрс, жонш хүртэл олборлосон, тэдгээр эрдэнэс нь хөлөөр нь хөглөрөн хэвтэж байгааг хараад “Далд хүн” ТББ-ынхантай хамтрагчид харуусан ярьцгааж, гараас гарт дамжуулан үзэцгээж байв.

Яг энэ байдал нь “ЧОНО БОРООНООР” гэгчийн үлгэр болж коронавирусээр халхавчилж элдэв мэдээ сэлт тараахгүй байхыг далимдуулж байгаа хэрэг гэж үзэх үндэслэлтэй байгаа юм.

Монгол Улсын, монголын ард түмний хөрөнгө үнэгүйдэж байгааг дэлгэсэн энэ мэдээлэл бодитой мэдээлэл. Нөгөөтэйгүүр тэд БҮТЭЭН БАЙГУУЛАЛТАД оролцоогүй гэдгийг чин үнэнээр нь өчив. Мөн энэ мэдээлэлтэй зэрэгцээд Замын-Үүдэд 11-р сарын 5-нд орж ирээд байгаа 43 иргэн тус суманд байх “Бүрэг эрэг” зочид буудалд тусгаарлагдаж байгаа тухай мэдээлэл ч цацагдаад байна.

Мэргэжлийн байгууллагууд үүнд хэрхэн хариулах бол.