Манай улс хатуу хөл хорио тогтоож бүх нийтийн бэлэн байдалд шилжээд сар болох гэж байна. Тэгвэл бүх нийтийн бэлэн байдлын зэрэгт шилжүүлсэнтэй холбогдуулан ШӨХТГ-аас ломбардтай холбоотой зарим ажлыг эхлүүлжээ. Тодруулбал, барьцаалан зээлдүүлэх үйлчилгээ эрхлэгчээс зээл авсан иргэний зээлийн гэрээний хугацаа дууссан тохиолдолд зээлийн барьцаанд байгаа үнэт эдлэл болон бусад эд хөрөнгийг зээлдэгч хүлээн зөвшөөрснөөс бусад тохиолдолд  худалдан борлуулахгүй байх. Мөн зээлдэгч иргэнд зээлийн гэрээний хугацааг сунгах эсхүл зээлийн гэрээгээр хүлээсэн үүргээ биелүүлж, барьцаанд байгаа эд хөрөнгөө эргүүлэн авах боломж олгох тал дээр ажиллаж байгаа аж.