Одоогоос жил орчмын БНХАУ-ын Ухань хотод коронавирусийн халдвар анхлан дэгдэж нөхцөл байдал хүндэрсэн билээ. Олон мянган эмч нар тус улсын өнцөг булан бүрээс цуглаж хүн ардаа эмчилж байв. Гэсэн хэдий ч цар тахлын улмаас олон мянган хүн амиа алдсан. 

Цар тахлын оргил үеэр Монгол Улсын Ерөнхийлөгч Х.Баттулга БНХАУ-д 30.000 хонь бэлэглэхээр болсон юм. Үүний дагуу Монгол даяар хандивын аян өрнүүлж богино хугацаанд 30.000 хонийг бүрдүүлэн хүлээлгэн өгсөн байдаг. Тэгвэл хандивын мал эзэддээ хүрч эхлээд байна. БНХАУ-ын тал эхний ээлжинд өвчний голомтод ажилласан эмч нарт хандивыг өгч байна. Энэ удаад өвөрмонгол эмч нарт монгол хонины махыг тарааж эхэлсэн байна. Өвөрмонгол эмч монгол түмний өргөсөн хандивыг хүлээн авч буй мөч. Тэрээр өвчний голомтот Уханьд Ордос хотоос очиж ажиллажээ.