Хагас тэрбум төгрөгөөр тансагласан ШЕЗ-ийн дарга, орон нутгийн дарга нарыг машины тендерүүдийг хэзээ цуцлах вэ Ерөнхий Сайд аа!?

Цар тахлын үед эдийн засагт хэмнэлт хийх зорилгоор Ерөнхий сайд шийдвэр гарган, төрийн өмчит бүх компаниуд дагаж мөрдөх үүргийг өнгөрсөн 7 хоногт өгсөн байдаг. 

Тэрхүү үүрэгт хэд хэдэн зүйлсийг тодорхой дурьдсаны дотор албаны автомашин шинээр худалдаж авахыг хориглоод байгаа.

Гэвч төрөөс санхүүждэг орон нутгийн ИТХ-ынхан  хэдэн  тэрбумаар хэмжигдэх үнийн дүнтэй автомашин марк заан тендер зарласан явдал олны анхаарал буй. Тодруулбал,

1. ШЕЗ-д шаардлагатай тээврийн хэрэгсэл, тоног төхөөрөмж худалдаж авахад зориулж 3 тэрбум төгрөг
2. Өмнөговь аймгийн ИТХ-ын дарга Б.Бадраад зориулж 257 сая төгрөгийн lexus 570 автомашин
3. Булган аймгийн Засаг дарга Б.Ариун-Эрдэнэд зориулж 210 сая төгрөгийн Ланд 200 автомашиныг худалдан авах тендер tender.gov.mn цахим хуудаст зарлагдсан, тендерийн материал хүлээж авсаар байгаа.

Өнөөдрийг хүртэл энэ мэт тансагласан эрх бүхий албан тушаалтнууд тендерийн асуудал дээрээ тайлбар хийгээгүй байгаа. 

ШЕЗ-ийн 3 тэрбум, аймгийн ИТХ-ын дарга нарын хагас тэрбумын үнэтэй МАШИНЫ ТЕНДЕРҮҮД цуцлагдах уу, Ерөнхий сайд аа?!