Монгол түмэндээ зориулав.


Шуурхай мэдээ

“ХОГГҮЙ СОНГИНОХАЙРХАН” АЯН ЗОХИОН БАЙГУУЛАГДЛАА

Нийтэлсэн: Монгол Хүү | Нийгэм
2021 03 сар 02 ・ 192
Сонгинохайрхан дүүргийн Засаг даргын захирамжаар дүүргийн нутаг дэвсгэрт “Хоггүй Сонгинохайрхан” аяныг зохион байгуулж дууслаа. Энэхүү аян хоёрдугаар сарын 03-ны өдрөөс 28-ны хооронд зохион байгуулагдсан байна.
Аяны хүрээнд хороод, хог хаягдлын үйлчилгээний байгууллагууд хийгдэх ажлын төлөвлөгөө гарган хог тээвэрлэлтийг эрчимжүүлэх, шөнийн тээвэрлэлт хийх, үерийн далан суваг шуудуу, гуу жалганд үүссэн үүсмэл хог хаягдлыг цэвэрлэж, нийтийн эзэмшлийн зам талбайн хайс хашлага, авто замын тэмдэг, автобусны буудал, сандал, хогийн савыг угаах зэрэг ажлуудыг хийж гүйцэтгэжээ.
Давхардсан тоогоор 2580 аж ахуйн нэгж, байгууллага, орон сууцны 1876 бункер, гэр хорооллын 1793 гудамжны 156830 айл өрхийн хог хаягдлыг ачиж тээвэрлэн, 29 хорооны 12322 метр гуу жалга, 3050 метр үерийн далан суваг шуудуу, 16 үүсмэл хогийн цэгийн хог хаягдлуудыг 585 хүний бүрэлдэхүүнтэйгээр бүрэн цэвэрлүүлж, нийт 17080 тн хог хаягдлыг 47 хог тээврийн автомашин 2837 рейсээр Нарангийн төвлөрсөн хогийн цэгт хүргэж, хороодын нутаг дэвсгэрт 269 золбин нохой, 36 муур устгах ажлыг хийж гүйцэтгэлээ. Мөн сар шинийн баярыг угтан хог тээвэрлэлтийн ажлыг эрчимжүүлэх ажлын хүрээнд нэмэлтээр шөнийн хог тээвэрлэлтийн ажлыг хороодын нутаг дэвсгэрт зохион байгуулж, 24 хорооны 8956 айл өрх, 116 аж ахуйн нэгж байгууллагуудын 846,8 тн хог хаягдлыг 14 автомашин 146 рейсээр ачиж тээвэрлэж, Нийтийн эзэмшлийн зам талбайд 4 байгууллагын 131 үйлчлэгч ажиллаж, 2822817 м2 талбайн хог хаягдал, цас мөсийг цэвэрлэн 783 уртааш метр замын хайс хашлага, 123 авто замын тэмдэг, 32 хогийн сав, 21 сандал, 23 автобусны буудлыг угааж өнгө үзэмжийг сайжруулах ажлыг зохион байгууллаа.
 
 
 
 
 

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх