Мөнхийн рэп хамтлагийн дуучин н.Лхагвацэрэн 9 сартай хөхүүл эхнэрээ зодсон талаар бид мэдээллэсэн билээ. Тэгвэл түүний үйлдсэн гэр бүлийн хүчирхийллийн хэрэг мөрдөн шалгах ажиллагаа дуусч, прокурор руу шилжжээ. Ийнхүү прокуророос түүнд ямар хуулийн хариуцлага оногдуулахыг шийдвэрлэнэ. 

Тодруулбал, түүний эхнэр н.Заяа нь цахим хуудсандаа “4-р сарын 19-нд н.Лхагвацэрэнд зодуулсан.  Үр хүүхдийг нь төрүүлээд 9 сартай хөхүүл юмаа би. Гэр бүлийн хүчирхийллийн төв нь надтай холбогдоно уу, яагаад гэхээр энэ хүн намайг ингэтэл зодчихоод өмгөөлөгч найзаа аваад надтай тэмцэж байгаа юмаа. Би хаана яаж хандах ёстой вэ” хэмээн цахим хуудсандаа бичсэн байна. Түүний гомдлын дагуу хуулийн байгууллагаас хэрэг нээн хүчирхийллийг хэргийг мөрдөн шалгажээ.