Монгол түмэндээ зориулав.


Шуурхай мэдээ

Өмнөд Солонгос “COVID-19”-ийн вакцины хомсдолд оржээ

Нийтэлсэн: Монгол Хүү | Дэлхий
2021 05 сар 03 ・ 51

Өмнөд Солонгос  “COVID-19”-ийн вакцины хомсдолд орж магадгүй байдалд хүрсэн тул дархлаажуулалтын хуваарь хойшлогдож буй талаар тус улсын  Эрүүл мэндийн яамнаас өнгөрсөн ням гарагт мэдэгджээ.Тус улс “AstraZeneca”-гийн хоёр сая тун вакцин авснаас ням гарагийн байдлаар 1.82 саяар нь ард иргэдээ вакцинжуулаад байгаа аж. Сүүлийн хэдэн долоо хоногт өдөрт 100 мянга гаруй хүн анхны тунгаа хийлгэсэн байна. Тус улсын Эрүүл мэндийн яамнаас “AstraZeneca”-гийн вакцинаас  8.67 сая тунг Дэлхийн эрүүл мэндийн байгууллагын “COVAX” хөтөлбөрийн дагуу  зургадугаар сард багтаан авчирна гэсэн боловч  одоогоор нарийвчилсан хуваарь гараагүй байна. БНСУ-ын  Эрүүл мэндийн салбарын ажилтнууд өнгөрсөн хоёрдугаар сарын 26-наас “AstraZeneca”-гийн вакцины эхний тунг тариулсан бөгөөд энэ сарын 14-нөөс эхлэн хоёр дахь тунгаа хийлгэх ёстой ч вакцины хомсдолын улмаас хоёр дахь тунгаа тогтсон хугацаандаа хийлгэж чадахгүйд хүрэх бололтой. Тус улс арваннэгдүгээр сар гэхэд сүргийн дархлаа тогтоохын тулд 12 сая хүнийг зургадугаар сарын эцэс гэхэд вакцинжуулахаар зорьж байгаа юм. БНСУ-ын Өвчнийг хянах, урьдчилан сэргийлэх агентлаг (KDCA) -аас мэдээлснээр тус улс хоёрдугаар сарын 26-наас эхлэн вакцинжуулалтын хөтөлбөр хэрэгжүүлж эхэлснээс хойш нийт 3.35 сая хүн вакцины анхны тунгаа хийлгэсэн бөгөөд энэ нь нийт хүн амын 6.6 хувийг эзэлж байгаа аж. “AstraZeneca”-гийн вакциныг 1.82 сая хүнд хийсэн бол 1.56 сая хүн “Pfizer” вакцин хийлгэсэн тухай  KDCA агентлагаас мэдээлжээ.


Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй

Сэтгэгдэл үлдээх