Энэ мэдээ хуучирсан буюу 2021/05/12-нд нийтлэгдсэн мэдээ болно.

Э.Бат-Үүл: Ц.Нямдорж өөрийгөө монголын хуулиас дээгүүр тавих боллоо

Засгийн газрын 100 хоногийн арга хэмжээний үеэр ЗГХЭГ-ын дарга Ц.Нямдорж "Өдрийн сонин"-д хэвлүүлсэн нийтлэлдээ "Ц.Амгаланбаатарын мэдүүлгээр Э.Бат-Үүлийг С.Зориг агсны хэрэгт ЗАХИАЛАГЧААР татсан" гэж мэдэгдсэн. Үүнтэй холбогдуулан Нийслэлийн Ардчилсан намын дарга Э.Бат-Үүл өнөөдөр мэдэгдэл хийлээ.

Тэрбээр “С.Зориг агсны амь насыг бүрэлгэсэн хэрэгт намайг санаатайгаар холбогдуулж байгаа хүмүүсийг олж тогтоох хүсэлтийг би 2019 оны 4 дүгээр сард Хууль зүйн сайдад тавьсан. Тус хүсэлтийг Нийслэлийн прокурорын байгууллага руу шилжүүлсэн гэдэг хариу ирсэн. Өнөөдрийг хүртэл би хэргийн хариуг хүлээж суугаа хүн. Сүүлийн үед Ц.Нямдорж сайдын гаргаж байгаа буруу авирыг хараад байхад хүсэлтээ буруу хүнд буруу хаягласан байна гэдэг сэтгэгдэл төрж байна. Ц.Нямдорж энэ хэргийн захиалагчтай холбоотой юм биш үү гэдэг бодол төрөх боллоо. Ингэж бодох гурван үндэслэл байна.

 

Нэгдүгээрт, 

 

Ц.Нямдорж хууль зүйн яамыг 20 жил толгойлсон. Түүн шиг урт хугацаагаар энэ яамны сайд байсан хүн алга. УИХ, Засгийн газрын гишүүн байсан хүн хэн ч бай хуульд захирагдах ёстойг маш сайн мэдэж байгаа. Гэтэл энэ хүн маш их сандарч, тэвдээд хуулийг уландаа гишгэж эхлээд байна. Өөрийгөө хуулиас дээгүүр тавих боллоо.

Хоёрдугаарт, Ц.Нямдорж галзуу хүн шиг юм ярьдаг боллоо. Ямар ч логик, авцалдаагүй. Айл гэр шатааж, хүний амь хороосон алуурчны үгийг хууль зүйн яамыг 20 жил толгойлсон хүн өргөж авчираад, ийм зүйл яриад сууж байна. Үүнээс нь харахад сэтгэц нь зүгээр байгаа гэсэн эргэлзээ төрүүлж байна.

Гуравдугаарт, энэ үйл ажиллагаагаа хүний эрхийн төлөө тэмцэж байна гэж худлаа ш**ж байна. Ц.Нямдорж хүний эрхийн төлөө биш хүний эрхийг чангалахын төлөө явдаг байсан. Эрүүдэн шүүх төхөөрөмжийг Ц.Нямдорж сайд байхдаа оруулж ирж байсан.

Энэ хэргийн захиалагчтай Ц.Нямдорж холбоотой гэдэг миний хардлага үнэн байх юм бол С.Зоригийг бүрэлгэсэн хэрэг гаднын захиалгатай гэсэн үг. Ц.Нямдоржийг гадны тусгай албатай холбоотой гэдгийг тухайн үеийн тагнуулын байгууллагын удирдлагууд мэдэгдэж байсан. Ингэж мэдэгдсэнийхээ төлөө улсын нууц задруулсан хэргээр шоронд орж, ял сонссон. Тэр хүмүүсийг Ц.Нямдоржийг гүтгэсэн гэдгээр мөн ялласан" гэв. 

Ц.Анандбазарыг УИХ-ын гишүүнээс түтгэлзүүлж, шалгуулах эр зориг У.Хүрэлсүхэд алга уу
Ц.Анандбазарыг УИХ-ын гишүүнээс түтгэлзүүлж, шалгуулах эр зориг У.Хүрэлсүхэд алга уу
 
Путин: F-16 онгоцтой баазууд руу нь довтолно
Путин: F-16 онгоцтой баазууд руу нь довтолно
Энэ мэдээ хуучирсан буюу 2021/05/12-нд нийтлэгдсэн мэдээ болно.