Монгол Улсын Ерөнхийлөгч У.Хүрэлсүх зарлиг гаргаж, Үндэсний Аюулгүй Байдлын Зөвлөлийн Нарийн Бичгийн Даргаар УИХ-ын гишүүн, Батлан Хамгаалахын Сайд асан Ж.Энхбаярыг томилсон билээ.

Тэгвэл ҮАБЗ-ийн Нарийн Бичгийн Дарга Ж.Энхбаярын тушаалаар ҮАБЗ-ийн дэргэдэх Стратеги судалгааны хүрээлэнгийн захирлаар Ерөнхийлөгч, МАХН-ын дарга асан Н.Энхбаярыг томилжээ.Уг хүрээлэнгийн захирлаар өмнө нь Ерөнхий Сайд асан С.Баяр, Тагнуулын Ерөнхий Газрын Дарга асан Р.Болд, Ерөнхий Сайд асан Д.Бямбасүрэнгийн охин Б.Энхбайгаль нар ажиллаж байсан юм.

Стратеги судалгааны хүрээлэн нь Монгол Улсын үндэсний аюулгүй байдлын чиглэлээр судалгаа, шинжилгээний ажлыг уялдуулах зорилгоор чиг үүргийн байгууллага болон эрдэм шинжилгээ, судалгааны хүрээлэнгүүдтэй хамтран ажилладаг.

Хүрээлэнгээс хийгддэг судалгаа, шинжилгээний ажлын чиглэл, баримтлах бодлого, сэдвийн хамрах хүрээ нь Үндэсний аюулгүй байдлын үзэл баримтлалд тусгасан үндэсний язгуур ашиг сонирхлыг хангах гадаад, дотоод таатай нөхцөл хангагдсан байхыг гол зарчимаа болгодог байна.