Энэ мэдээ хуучирсан буюу 2021/10/27-нд нийтлэгдсэн мэдээ болно.

З.Мэндсайхан: Он дуустал мал, мах экспортод гаргахгүй

Засгийн газрын хуралдаанаас гаргасан шийдвэрийг танилцууллаа. Энэ үеэр өргөн хэрэглээний бараа бүтээгдэхүүний үнэ тогтворжуулахтай холбоотой асуудлаар ХХААХҮ-ийн сайд З.Мэндсайхан мэдээлэл өгөв.

Тэрбээр "Засгийн газрын өнөөдрийн хуралдаанаас өргөн хэрэглээний бараа бүтээгдэхүүний нийлүүлэлт, үнийг тогтвортой байлгах талаар ямар бодлого баримталж байгаа зэрэг асуудлыг хэлэлцэн шийдвэрлэлээ. Энэ жил махны үнийг тогтвортой байлгах бодлого зайлшгүй шаардлагатай байна. Иймд махны экспортыг хязгаарлаж, он дуустал мал, мах гаргахгүй. Мөн ургац сайн байгаа. Одоогийн байдлаар ургац хураалт 80 гаруй хувьтай явж байна. Нийт 480 орчим мянган тонн үр тариа хурааж авсан.

Энэ жил тариалалт нэмэгдсэнтэй холбоотойгоор гурилын үйлдвэрүүдэд улаан буудайн илүүдэл гарч байгаа. Иймд 100-150 мянган тоннтой тэнцэх шаардлага хангасан улаан буудайг буюу илүү гарсан нөөцийг Засгийн газар эх үүсвэр гарган худалдан авч, газар тариалангийн үйлдвэрүүдийг дэмжих шийдвэр гаргалаа.

Ургамлын тос дэлхийн зах зээлд өнгөрсөн оны мөн үетэй харьцуулбал 60 орчим хувийн өсөлттэй явж байна. Үүнд ХХААХҮЯ дараагийн Засгийн газрын хуралдаанаар дотоодын ургамлын тос үйлдвэрлэгчийг борлуулалтын НӨАТ-аас чөлөөлөх хуулийг Засгийн газраар хэлэлцүүлж, УИХ-д өргөн барихаар шийдвэрлэлээ.

Мөн бүх төрлийн будаа, ургамлын тосыг импортлоход буюу тээвэрлэхэд үүсээд буй асуудлыг урд хөрш болон ГХЯ, ЗТХЯ-тай хамтран шийдвэрлэхээр боллоо. Хүнсний бүтээгдэхүүний тээвэрлэлт нь зогссон 190 орчим вагон бий. Эдгээрийг нэн яаралтай татан авч, нөөцийг бүрдүүлэх чиглэлийг өгсөн. Хятадын талаас урьдчилсан байдлаар арваннэгдүгээр сарын 1-нээс эхлэн 30 орчим вагоныг нэмж гаргах хүсэлтийг урьдчилсан байдлаар бид өгсөн. Баттай хариу гараагүй байна.

Нарийн ногооны асуудал нь Эрээн хотод гарсан коронавирусийн халдвартай холбоотойгоор үүсэж байгаа. Ийм учраас цаад гүнээс ирэх тээвэр Замын-Үүд рүү шууд ирэх боломжийг судалж байгаа. Үнийн өсөлт нийлүүлэлттэй холбоотой. Тиймээс нийлүүлэлтийг нэмэгдүүлэх чиглэлд анхаарч ажиллаж байна" гэлээ.

Өөр албан тушаалд шилжин томилогдож буй Р.Чингисийг чөлөөлөх талаар зөвшилцөв
Өөр албан тушаалд шилжин томилогдож буй Р.Чингисийг чөлөөлөх талаар зөвшилцөв
 
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
Энэ мэдээ хуучирсан буюу 2021/10/27-нд нийтлэгдсэн мэдээ болно.