Хан-Уул дүүргийн 21 дүгээр хорооны “Дөрвөн улирлалын цэцэрлэгт хүрээлэн”-д “Гоёлын модны төгөл” байгууллаа. Тус байршилд дүүргийн хэмжээнд үйл ажиллагаа явуулдаг худалдаа, үйлчилгээний 156 байгууллага 456 ширхэг гоёлын мод тарьж, өөрсдийн гэсэн төгөлтэй болов.

Тодруулбал, өчигдөр Худалдаа үйлчилгээний салбар үүсэж хөгжсөний 100, Хоол үйлдвэрлэл үйлчилгээний салбар үүсч хөгжсөний 90 жилийн ойн хүрээнд худалдаа үйлчилгээний байгууллагууд хамтран Хан-Уул дүүргийн Засаг даргын 2021-2024 онд хэрэгжих “Эрүүл-Эко дүүрэг” зорилтыг дэмжсэн нь энэ юм. Цаашид гоёлын төгөлд тарьсан мод, бутны арчилж ургуулах тал дээр дүүргийн зүгээс онцгой анхаарч, аж ахуйн нэгж, байгууллагуудтай нягт холбоотой хамтран ажиллах юм байна.