Баасан гарагийн орой баруун Африкийн Сьерра Леоне улсын нийслэл Фритаун хотод шатахуун тээвэрлэгч автомашин ачааны автомашинтай мөргөлдсөнөөс томоохон дэлбэрэлт болж, 99 хүний амь үрэгдэж, 100 гаруй хүн түлэгдэж, шархадсан байна.
Бямба гарагийн өглөө гудамжаар шатахуун урсаж, цэрэг цагдаа нар цугларсан хүмүүсийг тарааж байгааг орон нутгийн хэвлэлүүд дамжуулсан байна.
Осолдсон автомашинаас асгарах шатахуунаас савлаж авах гэж олон хүн цугларсан үед дэлбэрэлт болсон нь олон хүний амь үрэгдэх шалтгаан болжээ.
Асгарсан шатахуунаас авах гэж хүмүүс олноор цугларсан үед хоёр дахь дэлбэрэлт болж, олон хүний амь үрэгдсэн тохиолдол Африкийн орнуудад өмнө нь хэд хэд гарч байв.
Тухайлбал 2019 онд зүүн Танзанид шатахуун тээвэрлэгч дэлбэрэх үеэр 85 хүн, 2018 онд Бүгд Найрамдах Ардчилсан Конго Ард Улсад болсон ижил төстэй ослын үеэр 50 орчим хүн амь үрэгдэж байжээ.
Эх сурвалж: Reuters
